戶外學煎蛋 手忙腳亂打翻鑊

[b]14歲童軍滾油潑面[/b]

小童軍學煎蛋，「雞手鴨腳」險遭滾油毀容。十四歲男童昨在粉嶺營地學習戶外烹飪技巧，煎蛋時被油濺中手部，劇痛下縮手，忘記手持油鑊，結果當場「反鑊」，滾油四濺，男童左右臉部慘被灼傷，滿臉紅點。他擔心傷勢，不斷問到場的救護員：「會唔會毀容？」送院後評為二級燙傷，留院治療。

傷者姓鍾，為聖公會馬鞍山（南）青少年綜合服務中心的沙田北第十九旅隊員，加入該旅已有兩年，每年均有三至四次參加戶外活動，昨日該旅舉辦為期一天的日間訓練營，主要是學習搭建營篷、晾衫架知識及野外烹飪食物技巧等。


[size=4][color=#ff5400][font=細明體]白車擱斜路延誤救援

[/font][/color][/size]昨早十一時，三名童軍領袖帶領鍾及其他六名穿著便服的童軍到達粉嶺流水響鶴藪營地，至下午一時許，其中兩名領袖帶著七名童軍到營地的燒烤場，他們將露營裝的煤氣爐頭及炊具擺放在燒烤場的木檯上，跟著學習各種野外烹飪技巧。

其後各人學習煎蛋，鍾一連煎了四隻，煎到第五隻時，突然有油濺中他的手部，他劇痛下手忙腳亂，一手將煎鑊打翻，鑊中的滾油登時四濺，鍾猝不及防，臉孔慘遭飛彈的「滾油雨」濺中，頓成花面貓，痛極大叫，導師見狀弄熄爐火，然後叫他躺臥檯邊的木上為他急救，同時致電報警。

消防處派出A154救護車往現場拯救傷者，但該車駛上斜路時，因路窄及陡斜，車底被托起，左前輪凌空不能開動。車上救護員只好一邊拿急救裝備走到現場為傷者治理，一邊通知上峰增援。

[size=4][color=#ff5400][font=細明體]治理頻問「會唔會毀容」

[/font][/color][/size]治理期間，受傷的鍾不斷問救護員：「會唔會毀容？」救護員安慰他毋須擔心。當局派出另一輛A332救護車到場，將鍾直接送到沙田威爾斯醫院救治，鍾現時在灼傷護理部留醫，評定為二級燙傷，情況穩定。

鍾所屬童軍旅一名負責人表示，鍾只是輕微灼傷，不會毀容，童軍旅亦已替童軍買了保險，鍾的住院費可以得到賠償。

家庭醫生關嘉美表示，如被滾油灼傷，可用水淋向皮膚降低溫度，而香港的水喉水水質甚佳，應該不會導致傷口受到細菌感染。治理灼傷的皮膚，降低皮下溫度非常重要，因此一般都會對灼傷皮膚施以敷治、清潔及掩蓋「三部曲」。

所謂二級燒傷是指僅傷及表皮，內皮未有受損，皮膚可以再生，傷者需要留意燒傷部位弄髒及感染細菌。

今早收音機話...

有d 10歲小朋友去camp 唔肯沖涼; 因為唔識自己沖.....

回復 #2 Hello Keung 的帖子

唔怪得之依家D父母要比D細路join童軍去學獨立。:face09:
諗番我細個時成班細路去山頭野嶺煨蕃薯，中三自己同同學去露營，邊有依家D細路咁無用。:face28:

中三去露營 :face11:,  都好有米啦 :face69:

回復 #4 Hello Keung 的帖子

除左個鋁架背囊係做暑期工賺番來，其餘要靠玩DEA的同學借爐借煲借營借睡袋。:face03:

回復 #2 Hello Keung 的帖子

何止十歲。我呢度有Ｄ廿幾三十，飯又唔識煮，成日燒乾野，洗衣機又唔識用，連一D 好基本做人common sense 都冇，有時真係想兜腳踢佢地返屋企。:face78:

回復 #6 Jenny 的帖子

通常哩D野係"隔代遺傳"既 :face08:

當父母唔識煮飯家務, 仔女先有機會自發性去學. :face95:

仔女日後成父母, 煮飯家務都叻, 佢地D仔女就會翹埋雙手, 唔會識做. :gface023:

回復 #7 Hello Keung 的帖子

唔怪得知我唔識煮飯 :face03:

回復 #7 Hello Keung 的帖子

以呢個邏輯推理，即係識煮飯，做家務既人比例上會越來越少。
因為假設有錢人同窮人各佔一半，有錢人有外傭煮飯，子女就唔識；窮人都只有一半子女識煮飯，即係只佔未來人口1/4。生活水平不斷提高，請外傭比例亦越來越多，最終都係無人識煮飯，除靠煮飯搵食既人。:face35: