大文豪自由自在偽行2009 2009/11/20-21

說在最前:
出發前幾天，因天氣變得太過寒冷，相信自己未能忍受，
無奈地買了一件長袖排汗衫和長褲。非常慶幸有這一個決定:face35:。

毅行日當天2009年11月20日，晴天 及 厲害寒風:face45:。
相約Charles和JoJo在11:00起步。
因有上年的經驗(其實是遲到)，十時前到達會場遊蕩，其間還遇到友人的友人"石仔"，
原來他是參加2:00起步的，早到是為見C&J一齊影相留念。
他今年預備得好好，每週跑四次啊:face81:。

在起步點影相時，發覺睇開步禮人數比上年小。
起步後上完斜路，大隊人馬已經慢跑向前了，當然包括C&J啦:face29:。
上西灣山路段是比上年好行，因為氣溫底，但也是慢步和中段也有小休。
在CP1前士多見到J&C，他們剛剛購買完飲品，正想起步邊行邊進食。
往後一段大致一齊，直到赤徑村前，輪到自己要購買汽水和邊行邊食飯糰。
在CP2，也再見到他倆和一齊起步，往後整個行程也追不到了:gface030::face04:。
上雞公山前和中段也要小休，同做拉筋動作。
今年可以在到達CP3前還有陽光，是非常好的開始了:face68:，
因為自己膽粗粗，並無在上山前拿定電筒出來備用。

剛剛可以在天黑前找到地雷點，找到自己預先安排的食水，也是邊行邊食飯糰。
上馬鞍石級時，也要中途停留小休一兩次，才可到達馬鞍坳。
當然不會在這裡看見其他人仕，因為太大風了。
由這裡至昂平的山脊，你差不多可以見到人人都做MJ45度表演，是因為大風:face78:。
好不容易落往茅坪，飲阿大叔碗薑湯和食自己帶來的能量棒。
由這裡至CP4，一邊行一邊使我回想上年的事故(可參考2008後記):face93:
在CP4打水後，就在醫療站附近，聽到CK大大聲講有關做按摩的事情，但聽不真其內容。
我叫咗佢一聲就離開了:face98:，但好快他們也進入密林，在札山道就我自己一個人跑落士多了。
在食麵時認識了CK的隊友Patrick，阿CK還未食第三粒魚蛋時，自己那一碗麵和罐可樂已經倒左落個肚:smiley66:。

無等他們就自己離開了，沙田坳對我的一個磁力區，因一尺之遙就可歸家，一定要早早逃逸往前:face05:。
唔講你唔信，有幾個男女，在這時在這裡，去玩夜行上獅子山，又不是毅行，更不是偽行，最要命阻礙石級路:face11:。

今年CP5是點樣都不知道，因不用打水，所以望也無望就轉右落山，又是我會叫苦連天的落大石級樓梯。
轉回泥路時，與兩個外籍人仕用同一步伐往大埔道口，他倆不斷說話但聽不明，因並不是英語。

當你一個人在上CP6的大斜路時，又見到其他參賽者在自家支援車裡，你就知甚麼叫幸福啦:face22:。
在CP6加水後，直往城門燒烤場，飲了一罐凍到使血凝結的忌廉:face53:。

在上針山時也要小停兩次才可到達人影都無的針頂:face89:，因為太大風了，落山時每人都好小心。
在上落馬鞍和針山時，需要全神去做平衡和對抗風力，所以感覺無咁凍。

但上草山時，環境空曠，石屎路往上，跑又跑唔到，那一種凍苦是全程之最。還好是可以不用照明，兩手可放入褲袋裡:face24:。
落草石梯時，就要伸返對手出來拿電筒及做平衡，凍:face53:。

在CP7，取了一碗雞肉味生麵來補暖，回想上一個熱食好像已經是久遠的事了:face61:。
食完後，拉了兩下筋，就開始上最後一關(個心是咁想)，本來都想休息長一點時間，但又唔醒目縮入男洗手間。

起步後發覺好多人同時出發，自己算是燈龍隊帶頭位，但出到石林後，就要讓路和小休，這樣重複一兩次，

大約四五十人過了後，孤獨地一個人在寒風中到達木涼亭水站。在這裡是烏燈黑火，好像無人看守:face95:。
由這裡開始至CP8荃錦坳是無任何記述，只記得是頭向下，沿著地下白線，兩手放在褲袋，左右眼輪流睡眠，厲害:bface229:。
在荃錦坳士多傍洗面和拍醒自己後，拿出一條能量棒，又開始起步。

五人行事件
在微弱的天空反光下，我和另外的五人同步上石屎斜路。大家也無拿電筒，距離是相當近，可以聽取他們的說話，用來甦醒。
內裡四人也是11:00出發，另一人是從這裡開始陪行，他背著一個大背嚢，雖然不滿但有齊他們的飲食衣服雜物等。
在你跑我又跟住跑:face30:，你行我又行的心理下，好快到達CP9，我就停留去食果占麵包及熱華田。
在水塘泥路上，有比賽人仕問我知否還有幾遠路途，真是過癮，甚麼也不知就來了:face36:。
過了另加CheckPoint後。就回復山路上上落落，在最後石級段，又見回五人行。但好似有一個有傷要慢行。
連續小跑快行，進入燒烤場時，見牌寫2k，睇睇錶還有十分鐘到10:00，轉灣後寫1k幾，老虎蟹都要試跑，800，600，400，200。。。。
好彩都比我趕到在10:00前到達， 萬歲:bface144:

開步 北潭涌    11:00         分段時間              備註
CP1 大浪西     13:40             02:40              無休息
CP2 北潭凹     15:09             01:29              在赤徑買汽水，食飯糰，無休息
CP3 水浪窩     17:36             02:27              尋找地雷，入水加寶礦力
CP4 基維爾     20:57             03:21              快閃
CP5 畢架山     23:21             02:24              沙田坳士多食麵，停留約20分鐘，是最長時間
CP6 走私坳     00:32             01:11                 
CP7 鉛礦坳     03:20             02:48              等食麵 + 食麵，停留約10分鐘
CP8 荃錦坳     06:00             02:40              無休息
CP9 吉慶橋     07:54             01:54              熱飲4分鐘
CP10大棠       09:58             02:04
                          22:58 hours


如要睇相,可以過隔離睇友人後記啦:face39:

回復 #1 daimen 的帖子

嘩！你沙田坳、鉛礦凹同荃錦坳停咁少時間，比我地賺左粒幾鐘。:face18:

回復 #2 Charles 的帖子

我信相今年腳力比上年相若:face48:
只要脫離"行快休長"的隊友,就會做到以上成績:face03:
但和你們比,就有一段好大差距:face10:

回復 #2 Charles 的帖子

係borr, hea 好少.  係沙田坳即強記食第三粒魚旦,你已經食完一碗麵.  一如以往,強記食野似誓願. 二來你又食得快.:face03: 加加埋,你休息都係半粒鐘:face11:

[quote]原帖由 [i]daimen[/i] 於 2009-11-27 10:03 發表

只要脫離"行快休長"的隧友,就會做到以上成績:face03:
[/quote]


yeah..今年脫離左, 大休時間縮減不少..:face69:
"休長"即係原地踏步, 寧願慢慢行, 行得1k就1k :face39:

回復 #5 jojo 的帖子

呢D就係時間管理。

回復 #4 jojo 的帖子

有留意ge 就咁上下分鐘啦:face39:

但有好很多是唔記得和無寫ge 小休:face20:

[quote]原帖由 [i]Charles[/i] 於 2009-11-27 00:21 發表
嘩！你沙田坳、鉛礦凹同荃錦坳停咁少時間，比我地賺左粒幾鐘。:face18: [/quote]

影相影video, 你都用左唔少時間啦 :face35:

[quote]原帖由 [i]daimen[/i] 於 2009-11-27 17:48 發表
有留意ge 就咁上下分鐘啦:face39:

但有好很多是唔記得和無寫ge 小休:face20: [/quote]

而家咁寫, 寫重點都好足夠了, 太多太長, 如果一些無參與過既人真係無可能會睇, 咁就浪費左share既心呢.:face35:

今次你真係好積極,  :face13: 係咁行係咁跑, :face76: 先做到好成績, 但只有我地為你影得個一兩張相, 幾十秒(or幾分鐘)的video 做紀念, 如果係我, 始終覺得有點空虛. :face45:

回復 #9 Hello Keung 的帖子

但是，你最精彩又最多人想睇ge野都一樣無拍到喎:face28:
如果我是一齊，又看到你個樣時,都唔知幫手叫人,定拿機拍你好:face07:

回復 #10 daimen 的帖子

人家話以"攝影為本"麻, 硬係話知佢拍左先...後先叫急救!:face39:

回復 #10 daimen 的帖子

如果找到人來, 個時影都係"shit"樣架, 無分別 :face48:

回復 #1 daimen 的帖子

呀老友:face35:
見你今年咁勁，似乎已經無0野阻得到你前進，遲D你可能想玩「單挑」。:face37: