低溫毅行2009 2009/11/20-21

前言：
毅行的準備始於九月操山，但今年的planning重點不在體能，而是在「吃」，所以今次係「吃的毅行」。除了埋地雷時注重朱古力及power gel之外﹐仲要問清楚沙田坳同荃錦坳士多既食物供應狀況。當一切準備就緒，怎料...........一個冷峰到來增加變數，卒之雖要埋一件長袖衫在沙田坳替換，又另外多買件薄風褸作為最後應變, 最後成為「低溫毅行」:face31:。


正文：
早上七時半起來，和JoJo食完大碟飯後九點幾就出門，在路上還繼續食蕉同漢堡包。氣溫約14度，只有短褲、短袖衫加薄風褸實在有點凍，好彩仲有陽光。在北潭涌約好Daimen，仲見到石仔（兩點鐘起步），先來拍照一番。不久JoJo收到CK來電已到東壩，只需1hr30min，真的好快:face38:。

11點準時起步，因為天氣凍，行完上條斜路，慢跑一會就進入狀態。行行跑跑，未到東壩時已覺前面的人不多，12:15到達東壩。跑落浪茄時未見塞人，但上西灣山就不再加速，13:04到西灣山頂。落西灣時已開始越過9點鐘的隊伍，13:35到CP1，補完糧水，Daimen亦到，一齊離開。拿著飯團，邊走邊吃，走完西灣的沙灘亦已差不多吃完:smiley56:。

過咸田灣時走的是正路，沒有經過士多。由此直去到CP2北潭凹，越過越來越多的9點鐘的隊伍。但未入check point前電話收到公司message，便開始電話辦公，這段時的毅記憶變成一片空白，有無加水、有無吃喝、有無逗留，全部無記憶，結果在辦公中完成牛耳石山的上山路段。入嶂上時無追加汽水及魚蛋。一路上輕跑著，由畫眉過雷打石途中，一個不經意的地方，不慎右腳舊患拗入了一半，心底頓時涼了一半，還未到三分一路程便又出事，唯有跟以往做法一樣 --- 「唔理，繼續跑」。前面仍有很多九點鐘隊伍，但都比較鬆散，只要開聲便容易通過。16:46到雞公頂後便直衝落山，將近到底時CK正好來電，我們只剩幾分鐘路程便加速到CP3水浪窩會合。17:05到CP3，受到0072隊support team兩條蕉的熱烈款待，額外的補給，當然感激不盡:face43:。

17:09一齊起步，去到埋地雷位，0072隊先行，但我地miss左地雷標記，同lalala搵左五、六分鐘至搵到。此後lalala先行去追人，我地pack好補給後再走。未上山路前又接到公司客戶的來電，又開始電話辦公（點解一定趁我上山至搵我，靠害），好彩唔使傾到上頂，途中越過lalala。馬鞍坳後，向昂平進發，越過了今年每人都身同感受的彎曲山「烈風脊」，我地只得短褲短袖，真係一種享受:face24:。

在昂平時過左CK，但到茅坪飲薑茶時CK又躡到來。CK已同隊友失散，就同我地一齊上路，但行行下又唔見人。20:14進入CP4，只係稍作逗留，正想進開時CK又到，直如鬼影無處不在，趁佢等隊友的時機快閃:face98:。沙田坳的餐腸飯如攝石般攝人，21:03比預計早1小時到達。雖然碟飯硬硬地，但因為肚餓，都好快食完。逗留左40分鐘，雖然已多穿件長袖衫，但再起步時，那陣寒意從心震出來。熱身過後就唔想停低，22:42在CP5。落大埔道時人已稀疏，往後可以唔開電筒，23:48走到CP6，無入check point，只係影相後離開。

城門水塘，進入毅行後三分一路段，汽水都無需補就上針山，感受到無人的山頭、無盡寒風。到針腳加滿一瓶寶礦力，到草山太古水站飲兩杯熱飲，衝上草山享受全程毅行最凍的山頭:face53:。02:03入CP7鉛礦凹，第一時間要碗麵，但搵左好耐都無個位係無風，最後唯有坐在男廁前垃圾筒隔籬好似乞兒咁避風食麵，亦在這裡見到第一隊12點半隊伍過頭。Hae成9個字，遺憾無在現場影張乞兒相，因為一有風就不停打震，最後唯有用JoJo的耐熱水壺載熱水，放在肚前暖身前行，再行15分鐘，身體至開始暖和。好彩上大帽時無預期的大風，已是感恩，02:37到四方山水站，凍到一個人都無。04:00到波頂，一路跑落山，04:34經過CP8路口無停，雖然只比預計時間早到半個鐘，計算下已是有望做below 22，心中暗喜。直落荃錦坳士多依然有風，唯有躲在廁所內至一餐安樂茶飯。

05:03再起步，可以放開地去跑:face76:，到田夫仔時開始天亮，6:29到CP9。尾段最大變數係不能預計新路所需時間，唯有跑得就跑。水塘路完成後就要上大斜，不過條氣好順，上斜都無喘氣，過左新設check  point後入山進入最後階段。走路只係十多分鐘路程，再入石屎路時才八點剛過，只剩四、五公里，快步行都有機會below 22，於是行行跑跑，感覺上好快就到漁處管理站，亦即係好快到燒烤場，只剩2K就更加喪跑。入閘後漫長的700米超出預算，好似跑極都仲有，最後卒之完成，21hr34min亦係個人最佳時間。:bface187:

               in                        out                  rest
起點        北潭涌                  11:00
               萬宜東壩              12:15              12:17                2 min
               西灣山                  13:04              13:06               2 min
CP1         西灣                      13:35              13:39              4 min
               咸田灣                  13:59
               大浪坳                  14:24
CP2          北潭凹                  15:03              15:10              7 min
                嶂上                     15:48
                雞公山                  16:44
CP3          水浪窩                  17:05              17:08              3 min (+10min搵地雷及pack補給）
                昂平                     18:50
                茅坪                     19:10              19:14              4 min
                打瀉油坳               19:41
CP4          基維爾                   20:14              20:18             4 min
               札山道口                20:48
               沙田坳                   21:02               21:42             40 min
CP5          筆架山                   22:40               22:43            3 min
               大埔道                    23:17
CP6          走私坳                   23:48
                城門燒烤場            00:12               00:14             2 min
                針山頂                   01:00
                草山水站                01:32              01:35             3 min
CP7          鉛礦凹                    02:03              02:47            44 min
                四方山涼亭             02:37
                大帽頂                    04:00
CP8          荃錦坳                    04:34              05:03            29 min
CP9          吉慶橋                    06:29              06:43            14 min (追蹤5011隊）
               水塘路尾                 07:34
終點        大棠                        08:34
Total: 21hr 34min

PS. 在針山腳加滿的一壺寶礦力到最後仲剩半壺。事後檢討，3個大休點停得太耐及CP9 hae耐左，仍有45分鐘進步空間。

一人一個後記, 看來每個後記的標題要有返個規格會好d :face93:

夜行第4段年年都覺得好好玩, 上山又唔攰, 下山又可以跑, 又有薑茅茶助慶 :face97:

45分鐘進步空間? 點止呀, 下年18個鐘啦 :face88:

回復 #2 Hello Keung 的帖子

其實今年預左大部份山路時間在黑夜中渡過，所以操夜山係更為須要。

18個鐘係雖要好多support配合，單打獨鬥自由行未必做得到。20字頭都幾盡喇。

地雷檢討

我們已經有寫標啦:face23:
點解大家都咁難找,我都錯過一次才找到.:face06:
明明還有小小日光:gface028:

回復 #4 daimen 的帖子

我沙田坳個地雷是陷在鐵絲網底，要推開個鐵絲網先見到。

回復 #5 Else 的帖子

水浪窩個地雷，似乎大家都無意識係埋得咁近，等我仲要在樹叢內披荊斬蕀，雙手染滿鮮血至搵到。
沙田坳果個地雷，可能我地比較大袋，一搵就見到。Elsa個就細個D，摸黑就更難搵。

我果隻「毅行09」DVD快將完成，QC過後就會進入量產階段。感謝大家的久候。:face43:

回復 #7 Charles 的帖子

就快有得睇 :face34: