大玩台灣2 - 高雄、恆春、墾丁 2010/01/01

Day 1
香港 ﹣高雄 ﹣恆春
朝早8:55機，所以唔使玩東北縱走都要早起身。
10:10左右同JoJo到達高雄。10:45搭上去恆春的客運巴士，未到2:00已到恆春古城。吃過午餐的冬粉鴨，甜點係綠豆饌。半日行程只在恆春古城遊覽，好多「海角七號」的呢呢路路，但我地都未睇過套片，唔知頭唔知路。遊遍東、南、西、北門，尋找我18年前走過的足跡。近黃昏時再行出城外「出火」景點，返來時亦已天黑。先吃過米糕、鍋燒麵同鍋燒冬粉；意猷未盡，去另一間食牛肉卷餅、牛肉麵，口感同味度都幾好。當然仲有必飲既珍珠奶茶。

Day 2
恆春 ﹣貓鼻頭 ﹣鵝鑾鼻 ﹣墾丁 ﹣恆春
7:00食早，搭9:00公車落貓鼻頭。貓鼻頭係一個公園區，地處台灣南端左邊的那個丫，車程只係20分鐘。因長期受風浪侵蝕，珊瑚石變成奇突模樣，主要係有座「貓岩」。我地不止遠觀，仲要竊玩，攀高竄低，不忘鍛?身體。
之後轉車去鵝鑾鼻，途中下出雨來，不過只係過雲雨。每日天氣變化可以好大，時雲、時晴、時雨。
鵝鑾鼻屬台灣最南端的海岸，最出名係個燈塔，不過公園內仲有好多方行，加上氣溫適宜，感覺好攸閒舒服。返墾丁途經「船帆石」，落車再影。見到墾丁只剩不到3K，決定行去，半粒鐘就到。進入墾丁大街，每人來一大杯珍珠奶茶，見夜市攤擋剛開始「起壇」，時間尚早，走上「墾丁森林遊樂區」。由4:00從山腳走到公園大門已4:50共4K，發覺公園收5:00，望門輕嘆。又再從山頂行4K落山，今日步行距離總計已達12K。
墾丁夜市異常熱鬧，係膽固純殲滅者聖地，食品款式眾多：原隻烤魷魚、炸魷魚、各類排餐、各類燒烤、海鮮堡、沙茶蟹腳、泰國蝦、臭豆腐、熱狗、意大利麵、香酥雞、排骨酥................不能盡錄。我地選擇性吸入個別食品，9點幾搭車返恆春（哩度通宵都有車搭）。

Day 3
恆春 ﹣高雄
今日早起見落雨，問題不大，因為我地一早離開返高雄。未到9點上車，10:50到高雄，轉捷運到酒店，放低行李後出去再「砌」過。車去左營，用對腳KO左營景點，隨即掃夜市。先走瑞豐、六合食左一輪，返酒店後減輕負重，再出愛河，沿河走落雅苓同興中夜市「砌」多輪。總計整日都行超過10K。

Day 4
高雄 ﹣香港
一早酒店check out，寄存行李後繼續KO高雄。車去西子灣，再搭船過旗津，盡可能掃盡點，飲完珍珠奶茶又來一杯紅茶冰淇淋。搭車出返高雄，來個NT$55的排骨便當，只係HK$14，味道亦都唔錯。<br />
因為捷運可直達機場，只係20分鐘車程，比較容易計算離開時間。夜晚9:00機離開。<br />

去旅行都要報步行哩數 :face73:

食左好多好野咁喎, 有無特產美食帶返來 :face39:

早機去 , 晚機返 , 認真好玩.:smiley57:
你幾早前預訂機票同酒店 ?? :face09:

回復 #3 Donald 的帖子

一個星期前見手頭既job清得七七八八，24號晚至去book機票酒店。機票可以即時confirm，但墾丁、恆春酒店都幾乎無房。不過其實當地係旅遊區，民宿都好多，可以去到搵都好易。:face62:

回復 #2 Hello Keung 的帖子

食咁多,要行番夠本先消化到既:face35:
南台沒像台北咁多野買,自己去玩,當然skip左好多跟團買野的時間.有時間都去觀光同品賞街邊檔風味啦
台灣好興踩單車,女仔一個人都夠薑沿車路照踩. 台灣女真係好點:face13:

有相睇會好的 :face39:

點睇都係覺得香港d野好食 :face39:

要試下各地唔同風味架 :face34:

回復 #7 Hello Keung 的帖子

不過台灣D野食平D，HK$8大大杯珍珠奶茶，大大隻烤魷魚都係HK$8，HK$30-40已經可以要個餐，湯、飯、麵包、沙律任食到飽。十幾蚊都可以有碟飯。:smiley66:

回復 #5 jojo 的帖子

係呀係呀！台灣野好食（強記又唔岩胃口）:face34:，女仔又靚:face15:，不過，你係南部，民風純樸，北部就咪啦！
哈:face17:

回復 #10 Jenny 的帖子

仲有!台灣d女踩單車好英!好sporty,單拖都係馬路踩.唔似香港d女咁.:face35:

早在18年前便已到過恆春古城，比甚麼電影「海角七號」早了十幾年。當時的城牆的確很舊，沒有現在的人工修葺。:face48:

回復 #12 Charles 的帖子

基本上係一個新城門 :face48:

回復 #13 Hello Keung 的帖子

比對過，牆身好多洞位補過，牆頭砌多0左一層。
另外仲有張係東門。