吃喝廣州行 2011/05/13-14

全部9日假期，去湖南用咗6日，玩得就玩埋佢，所以上廣州砌多兩日。

因為早一晚湖南返，成10點至到屋企，所以上廣州都唔急住起身。搭巴士到上水轉火車過羅湖，到廣州已係12點幾，住白天鵝隔籬的賓館只係¥280，攞得房嚟都已點幾鐘。出去食飯，叫咗粥+煲仔飯+牛肉腸粉，只係¥19，所以追加兩碟腸粉。食完就去越秀公園行，睇吓五羊同鎮海樓。跟住行過去六榕塔，行行吓又到咗一德路，行行吓又到咗上下九里買吓衫買吓鞋。未到9點，上陶陶居飲過夜茶，然後行返旅館。咁樣行來行去6、7個鐘，都行咗十零廿K。

晏起來，出去食早餐。交房之後繼續行程，搭船過芳村只係5毫，地鐵1個站要$2。由芳村酒吧街行到入舊區市集，地攤舖頭都有好多嘢賣。搭地鐵過陳家祠遛覽，再行過荔灣望吓畔溪酒家。荔灣公園古舊同番新建築交替幾別緻，附近仲有幾多食肆同老字號手信舖，所以都食埋個晏至走人。

唔同上年復活節，今次施迤然到火車站，落深圳火車唔洗10分鐘一班，仲密過東涌綫，即買票即走，爽！

回復 #1 Charles 的帖子

雖然人仔升值, 不過衣食住行都係平過香港:face13:

你地好犀利，wan 到甘多平靓正既野食，我身为一个广州人都唔知den....:smiley57:

回復 #3 cadet 的帖子

雖然國內物價上升，但一個售貨員人工都仲只係¥2000-¥3000，同香港最低工資都仲有段距離，所以一般衣食住行都仲係平過香港，搵平嘢食都唔難:face35: 我哋入去嗰幾間都算乾淨，同香港茶餐廳差不多，街邊小吃就無試喇。:face05: