激流大欖至荃灣 2011/05/22

今日天文台都幾準，未出發已落咗陣大雨，但一陣又停，所以無理會，照砌！車在大欖隧道前同後都大雨連場，都係嗰句：「未出發先興奮！」:face03:
9:30起步，睇情況按計劃都係要走引水道，担住遮都仲可以，但好快都褲腳全濕。雨只係時大時細，過一陣腳又乾番。:face48:
去到吉慶橋，在亭內避雨的都仲有其他行山人。10:30時間尚早就繞大圈走大欖自然教育徑過清快塘，起行無耐雨勢又轉大，全身盡濕。沿途上斜，雨水從上流下，又在路旁滲出，大欖至清快塘段石屎路頓成大清石澗。:face42:
上到高位觀景台反而停雨，順勢而下好快到清快塘路口都只係12點左右，條腳都乾咗五成。Tommy話：「呢道落去深井好快到，但無地方換衫，不如行元荃古道到荃灣有體育館方便好多！」所以大家又繼續行元荃古道。
開始轉入山路，初段還好，但漸漸雨又轉大。好多上山路段，水在沖溝游走形成激流。接近石龍拱時橫風橫雨，因為响雷更加要收起雨遮。在亭內坐咗一陣，迅速脫離落荃灣，1:32完成。
到荃灣，Tommy一定唔少得一碗牛什、一支啤酒。:face77:

大欖轉車站 ﹣引水道 ﹣吉慶橋 ﹣大欖自然教育徑 ﹣清快塘 ﹣元荃古道 ﹣荃灣（約17K＠4hrs)

ps:本來可以hae行的路段因為連場大雨變成不平凡

開乜鬼遮呀, 濕就全身濕好過啦 :face28:

牛什, 今次邊間呀 :face09:

回復 #2 Hello Keung 的帖子

去到石龍拱都完全收遮啦，啲雨都打横來㗎。
間牛什舖唔係你哋上次嗰間，喺上次行元荃古道至小欖之後出荃灣食過，Tommy話呢間好食啲。:smiley66:

:face05:
仲要係未出發先興奮... 真係佩服... !

回復 #4 maggietso 的帖子

落雨行山，唯一係驚行雷閃電啫:face35:，都好耐無玩過水戰，當由腳濕到上頭、由面濕到入底時，你就唔會在乎担遮、踩水、泥濘........:face03: