2014-4-29 22:16
jojo
台灣基隆。宜蘭 2014/4/17-22
[color=purple]4.17.2014 (四) 晚機>台北 住宿: 西門飯店 TWD 2,150 = HKD558.13 一晚[/color]
放工後， 即回家沖涼就準備去東涌， 今次林生揹大背囊，東涌食過簡便晚餐，就出發去機場了。本來是10:50PM 機，但無故又延遲半個幾鐘。到台北時都零晨1:00AM，出海關又慢，2點幾等行季，出到去，所有國光巴士出台北市都無，連3:00AM那班國光巴士突然又取消，走來走去查，還是等的士，人龍很長，但總比海關排得快。的士貴得有道理(約300元港紙)，25分鐘已經送到西門飯店。比巴士55分鐘快半個鐘。拿拿林，就睡了。
[color=purple]4.18.2014 (五) 台北＞基隆市 野柳＞廟口夜市 住宿: 華都酒店 TWD5, 152= HKD1, 347.64 兩晚 (DAY 1)[/color]
[color=purple][/color]
晨咁早，酒店附近食過早餐，搭台鐵出發基隆市，台灣沒有復活假，火車很寧靜，係酒店放底行季，就坐公車去野柳，觀光勝地，就算不是六日，還是很多觀光團。 當然不乏強國人。
上午陽光普照，下午變轉天陰，整天都在野柳風景區至５時左右坐公車回酒店，稍為休息就去隔離的廟口夜市開餐。
2014-4-30 11:44
jojo
[color=purple]4.19.2014 (六) 基隆市> 猴硐>平溪>菁桐 > 基隆市 住宿: 華都酒店 (DAY 2)[/color]
酒店早餐，一早又搭台鐵去猴硐貓村，好興奮，可以去玩喵喵，一到步就有幾隻貓咪迎接。洗手間，仲有一條天橋全以貓為主題。 一玩就幾個鐘。貓村對面是一個昔日的礦場。
參觀過後，去平溪登短途山，又一驚喜，考子山險而不危。 政府加建左了好多安全扶手。 平溪也是個放天燈的地方。下午，本土人越來越多，本來想去十份多一個景點，點知迫唔上火車。唯有放棄，加上天氣漸轉天陰，十份瀑布難免失色。留待下次有機會吧。
之後，就行一個站去菁桐行街街，是台鐵支線尾站。由於人實在太多，尾站上車就肯行有得入。
是晚回到酒店附近火鍋。
2014-5-2 21:51
jojo
[color=purple]4.20.2014(日) 基隆市>宜蘭>蘇澳>南方澳＞羅東林業文化園區>羅東夜市＞ 住宿: 伯斯飯店TWD3,460=HKD 895.9 兩晚 (DAY 3)[/color]
酒店早餐，搭台鐵去宜蘭，伯斯飯店好近火車站及宜蘭夜市。一放低行季就出去蘇澳 ，蘇澳出名係冷泉，但其實沒什麼好睇， 之後乘公巴去南方澳。反而南方澳多點旅遊景點. 主要為海岬、海岸岩礁、海蝕崖、海蝕洞、陸連島、海灣與沙灘。 有南方澳大橋，豆腐岬，南天宮等。下午幫襯海鮮店，逛逛又大半日 。回來，未到晚飯時間， 撞下撞下去到羅東林業文化園區，原來又一個文化好地方。 晚上去羅東夜市又掃。
2014-5-5 21:21
jojo
[color=purple]4.21.2014(一) 宜蘭>城頭> 五峰旗>宜蘭夜市 住宿: 伯斯飯店 (DAY4)[/color]
早上去城頭老街，老街很短。一陣就行完，之後行去蘭陽博物館，博物館特色建築為主題。之後去五峰旗睇瀑布， 可惜天氣還是有雨。 瀑布失色。
晚上去酒店隔離夜市，宜蘭夜市。
2014-5-5 21:29
jojo
[color=purple]4.22.2014 (一) 宜蘭>幾米廣場＞宜蘭酒廠＞ 台北> 新北投> 香港 (DAY5)[/color]
今天起來，有太陽， 出去附近幾米廣場影下相，後行去宜蘭酒廠觀光。回程買地道涼果, 回酒店後收拾行裝就直出台北。 天氣變得快, 火車到台北就下雨 ，係貯物櫃鎖好背囊後， 諗住去出名的咖啡弄食個ＬＵＮＣＨ，點知要等就唔要， 改搭捷運去新北投。那裏也是溫泉聖地，行去地熱谷好近， 但地熱谷水溫好高， 不宜浸溫泉。熱氣上升， 好似騰雲駕霧般，又一奇景。行５－６分鐘又到溫泉博物館。 入內參觀下， 又去到附近溪浸腳溫泉。ＨＥＡ下ＨＥＡ下又要趕番台北火車站咖啡弄，又要等，那就放棄了。開始回程，搭車搭飛機返香港。
2014-5-8 23:14
daimen
回復 #2 jojo 的帖子
睇完你些海邊及夜市相片，我又想起綠島:face49:
2014-5-9 21:35
jojo
回復 #6 daimen 的帖子
綠島有幾多夜市呀 . 我地晚晚砌一個夜市... 肥死我. :face28:
2014-5-17 19:21
cadet
哎呀,上次走咗寶冇去幾米廣場添, 我都係佢fans....
2014-5-19 01:13
Charles
回復 #8 cadet 的帖子
樓上呀靚女，幾米廣場只係在火車站隔離，咁都會miss:face09:
2014-5-19 23:18
Charles
其實只係攞咗一日假，但感覺好似去咗個長旅行。
以現今東南亞局勢，台灣似乎係短線旅遊不二之選，離開台北永遠都會有驚喜。今次台灣遊雖只係5日5夜，但到過許多地方，有不同的玩意、經歷。
Day 1
經過早一晚 delay no more 事件，入住台北西門「大」飯店之後，只係訓3粒鐘又起身正式踏入行程。先落街食早餐（住宿無包），發覺好多食店未開，只有專做早市的，所以選擇不多，但都有熱辣辣的小籠包、牛肉冬粉。:face13:
退房後搭台鐵過基隆人不多好優攸，到酒店有房就放低行李出去闖蕩。考慮野柳行完會好晏，所以都係食完至動身。等咗陣公車去野柳，都唔算多人有位坐。外邊陽光普照，旅遊的心情完全番晒來。落車後就行入去地質公園。
野柳—5年前已經話要去的地方，依家至有機會一遊，不過就被人海般的內地團佔領。野柳石景主要係兩堆石陣，但除此都仲有較遍遠的山石景就完全避開人羣。等落山後旅行團開始離去就多D空間影相。玩咗成個下午，搭車返基隆都依然有位坐，攪好電話咭後就返酒店休息準備到夜市「掃街」:face49:。只在酒店後面的長街就係廟口夜市，好多新奇的小食，走著吃著，好快就填胞個肚，滿足地返酒店，補充失去的睡眠。:face16:
2014-6-4 23:49
Charles
旅程第二日都屬重點之一，預計去猴硐、平溪、十分、菁桐四處地方，所以行程都幾緊密。:face80:
一早搭台鐵去八堵轉車去猴硐，猴硐近年以貓村聞名，至開心就係JoJo啦，玩到唔捨得走。跟住搭平溪線去平溪，旅客亦變得人多。平溪以放天燈聞名，好多人都走到路軋處放燈，但我地就轉到另一邊上山，半個小時就走上了有險無驚的孝子山，算係今日亮點:face13:。來回只係個多小時，在平溪老街走吓食吓，幾間名店都排晒大隊，就在較遠的一間小店吃午飯。
本打算搭車去十分，點知人逼到上唔到車，就決定行一個站到菁桐。菁桐係平溪線尾站，以古舊的木建車站為地標，週圍環境已可以影半天相，但就是遊客太多。見去十分無望，便在菁桐多留一會。
最後搭平溪線回八堵，途經十分還想有無機會落車，但似乎連落車的空間都無，最怕係無機會上返車，所以都係留待下次:face48:
返到基隆，酒店沖個涼後就出去晚飯，去到些推介的店舖都好多人，最後揀咗間火碢店，好清靜。每人HK$50左右，火碢料較大家樂多DD，但任飲，雪糕任食，大滿足。:face62:
2014-6-12 10:14
Charles
旅程第三日，一早從基隆轉戰宜蘭，搭上台鐵直達宜蘭市，只係放低行李（咁早未有得check-in）就再搭台鐵落蘇澳。
蘇澳以冷泉出名，入去走一走但無浸到。其實蘇澳只係中轉站，主要係搭公車落南方澳。南方澳各方面景觀都有，走過大橋、海岬、沙灘、漁港......係影黑白相好地方。食過海鮮午餐，地道小吃，跟住搭公車去羅東。
在羅東火車站前落車，去夜市途經林業文化園區，原來係好地方，可惜來遲了一點，開始收太陽，影不了多少相。轉過去夜市，好多人，好多野食，滿足地又一天，走回火車站搭火車返宜蘭市旅館攞房。
2014-6-19 23:16
Charles
第四天行程係頭城、礁溪。在酒店食過早餐，走過火車站等區間車。坐在月台玩手機等着等着，時間漸近，卻突然發現有區間車開出.......出事喇。原來區間車車短少卡數，我地在車頭等比條柱遮住睇唔到...........頂！下一班車要等多一粒鐘。:face12:
好不容易去到頭城，逛的就是老街同蘭陽博物館的特式建築，花不了多少時間。午飯後在頭城轉區間去礁溪，只係幾個站，但開始有點雨。搭公車上五峰旗，遊人不多。一口氣走上三層瀑布，因天雨而山路有點濕滑，但瀑布很高、有氣勢，雖天氣不佳，但也不枉此行。乘車回礁溪，在溫泉公園浸浸腳，逛逛街買點涼果。區間返宜蘭市，回酒店沖個涼，出去隔鄰東門夜市開飯，食、食、食。:bface272:
2014-7-1 22:50
Charles
Day 5
第五日在宜蘭市內觀光，只得幾粒鐘，都係用腳到得嘅地方。車站隔離的幾米廣場好方便，再行去酒廠就遠少少，不過穿街過巷都是滿有特色的街邊小舖。返酒店check out就搭火車返台北見天色已變開始有雨，在台北車站鎖好行李就繼續哨街。咖啡弄要等就唯在附近隨便一餐，然後去新北投溫泉區。去未到過的地方，亦總算無揀錯，地熱谷非常精彩:gface012:，仲有溫泉博物館，啱晒我地呢D得半日去玩的人。
出番台北上車往機場時雨便越落越大，總算逃過啦。但最衰回程班機又delay，又係三更半夜至返到屋企。:face28: