TNF不等如DNF The North Face 100 2014 2014/12/13-14

比賽前一星期才輪到TNF的入場券，撘上TNF的尾班車，還沒有心理準備便要上陣。:face05:

加入復仇者聯盟，目標就只有一個 — 完成！時間變得不重要，但估不到自己連表都無帶，真係表你有無喇:face48:。咁就好喇，不用被時間拉扯。

起步入到八仙嶺郊遊徑照例塞人，但悠長100K，有的是時間，慢慢追上差不多pacing的人。在馬頭峰上人龍拉開了，陸續的追上了Winny、招sir、Lam Lam，落山時追上了JoJo、Ivy、Emil、Jay。傾傾講講又到check point，只係吃了蕉，打爆一𥖁水就上路。上星期試樂善路線時拗一拗左腳，雖不嚴重，但這時惡果便出來—右足踝開始痛，落山不敢再快，被JoJo他們甩在後頭。近鎖羅盆時差點拗右腳，當堂收腳，唔敢咗快:face42:。也好，這便可跟著自己 pacing 走。

烏蛟勝至鹿頸上落不大，但亦是較長的一段，雖已打爆水，但到鳳坑前已水盡。到CP「隊」水吃點東西，還須吃止痛藥止腳痛。上龜頭嶺趕上教練同石石，雖然無帶表，興幸仲可以跟得上，追追趕趕又到check point。去到CP4鶴藪，見到Emil同Jay呢啲50K組別好hae（我都好想），話JoJo走咗好耐，這時才第一次拿出手機來看時間，好囉，唔使追。鶴藪無麵食真係好失落:face20:，得杯薯蓉乾睜睜，帶著drop pack的物資上路—好重。

50K/100K分路後，上龍山前後不算多人，落山到粉嶺又有強大support支援，皇帝式享受，可惜不能久留。上大刀屻露了疲態，上山已不敢加力，但卻又切實地追上了幾個名次。剛剛天黑便抵達梧桐寨CP6，終於有出前一丁杯麵食，連湯都飲晒:face77:。上四方山真係好力咗，臨近四方山時趕上了Ivy、Gardon的party，放心下來—都唔算太慢。大霧波頂沒有預期的大風，慢jog落去施樂園CP7。

今次呢個check point同上年真係無得比，舒服好多:face50:，真係唔捨得走，可惜都係無杯麵食，只喝過熱湯，沒吃多少便趕着落山。從青年旅舍後邊小路接上小徑橫向一段便跑落响石墳場，走龍門郊遊徑，再接上肥佬麥落鉛礦凹。不知怎的總是提不起勁跑，行了一大段路，但奇怪地又無人追上來:face38:，直出到鉛礦凹洗過面後才見一人趕上。快跑落元墩下CP8，support總是在困難時候出現，兩杯暖粥加上熱維他奶貼心到極:gface012:。身邊帶着的食物開始短缺，這就多帶兩件壽司，一個飯團上路。

因為剛support完，過太和一段算走得不錯，但到太和後又提唔起勁跑，上九龍坑山更加眼瞓，明顯又試出現血糖低現象:face73:。中途好幾次停低食嘢，勉強到頂，跑落沙螺洞CP9感到寒氣迫人。CP內無咩好嘢食，食過一碗涼粥，襯未吹凍個身就上路。再起步感覺特別寒冷:face24:，經過的草面上結上一層露水。吃的東西實在太少，未能恢復體力，只能靠身上的小吃維持機能。上屏風的長梯特別累人，但亦沒有後上的來者，到頂時卻追到一、兩個。屏風、黃嶺過八仙很多上落，北風從左邊吹來全無遮擋，曾經兩次在避風位停低，把在粉嶺露露support的飯團半口的啃着。被好些人過了頭，好不容易來到純陽峯，開始數着八個山頭，不知怎的又好快地走完。

來到仙姑峯，把手杖收起，吃下專成留下的一包gel（被免落山跑時瞌眼瞓PK），便一路跑落山。沒怎㦄慢過下來，直出到魚農管理站，追回好些位置。進入最後的山路，聞說是好惡劣，已有心理準備，在樹叢間左穿右插，都順利KO，最後衝終點回望分牌才知時間，20hr40min。算是一個滿意的成績。:face97: