麥3-4的糾纏 2008/10/26

今年對麥3、4有點無厘頭的糾纏，順走、逆走、日走、夜走都試過，過兩星期都仲要走多次。
呢日主要帶朋友F操山，因為佢有多年無行過呢段路，所以特別走一趟為偽行試步。
雖然今日唔係比賽，但都食碟飯、蕉同埋汽水打底。帶0左1.5L飲料，9:38起步。
唔同上次比賽全密雲，今日有陽光，間中有雲（不多），熱熱熱。朋友F走麥3都跟得好貼，44min到嶂上，1hr51min到雞公頂，約兩個半鐘完成麥3。但去到水浪窩見汽水機依舊無水賣，形同虛設。雖然走完麥3只係飲0左250ml水，但熱天加上無汽水飲雙重打擊下，士氣大減。
食完條粢飯後無奈上路。接上上山車路後漸漸發覺自己有血糖低雲遊現象。離開竹洋路開始上山路。由朋友F領行，但好景不常，朋友F半拗右腳，唯有自己再次領行，速度放慢，約兩點鐘上到馬鞍凹。因為朋友F膝有隱患，所以落山都無跑，14:27到昂平，15:02到茅坪，15:43打瀉油凹。一路上都等0左朋友F好幾次，亦休息0左好幾次，最後16:28到基維爾，6hr50min完成麥3、4。
從基維爾往上走，出飛鵝山道落清水灣道脫出。不過落飛鵝山道時右腳舊傷又出現隱痛，原來上次操夜山扭傷，事隔個幾月都未原全復原，今次都危危乎。

成條麥徑, 每次行麥3中段至麥4尾都最情緒低落唔想繼續, 過到沙田坳個關口, 雖然之後都有高山要上, 身體辛苦, 但至少心情輕鬆好多. :face31:

試過06年自由行,上馬鞍上得好頽癈,直情放棄咁坐左落石級,有條鬼佬以為我有事問: ARE U OK!:face36:

回復 #2 Hello Keung 的帖子

因為麥3、4上落坡幅大，加上有汽水機後依然係無補給，失望ge扛擊比起以前預左無水仲雪上加霜。所以連走3、4都係有補給好D。:face35:

回復 #3 jojo 的帖子

我諗情緒最低落ge時候係人人都逃走晒，剩番自己，都唔知繼唔繼續好。