第二屆V162之N80 2019/02/24

今季養生, 感覺越養越懶, 唔多長課, 幾個月壞朋友沒翻發, 氣又順左好多. 近排練跑操山, 先發覺吸到空氣落個肺係咁舒服. 希望唔好再同壞朋友藕斷絲連.:face28:

比面派對, 報左N80, 起步地點好正, 一個站到荔景, 7點起跑, 眼前只得KIMMY 同幾位男快過我, 去到金山好似入左結界咁, MISS 左個路口, 到CP1, 問KIMMY 到左未, 義工話唔覺有女參賽者, 心感唔應該快過佢, 一路等到林生到, KIMMY 都未到, 好冷了. 我嘟完BARCODE 就上針, 一路行一路諗. :face31:

到左CP2 林道, 仲奇怪, 見到有個女參賽者仲早過我, 聽聞佢飛左針山. 我當然好快過左佢. :face39:

CP3 川龍, 有蝦餃, 燒賣, 沒多久, KIMMY追到, 原來佢金山又迷路, 補給完, 我先行快兩步, 佢好快又追過, 都好, 心安理得. 接麥9. :face34:


CP4河背, 見她補給完走, 我見老婆餅硬係砌左兩塊 ! 上番山路又轉錯左個方向, 返完路上見到ANGEL 拍照又攬下, 走過最討厭的凸石路. :face20:

CP5 荃錦坳大站, 哇 ! 正, 炒飯一碗先, 仲有按摩槍, 按摩床, 一流服務! 抖夠上力, 打大佬. 好快見到KIMMY背影, 界到. 大帽大風又大霧:face31:

CP6 铅礦坳, 補蕉又食包, 剛見KIMMY到,我又上路, 隊草回針草坳, 落火炭時, 追到ANDY. :face40:

CP7 火炭, 見DANNY CP做義工打氣, 好在幫手噴下殺人巴斯鬆小腿, 按下, 即時小腿兩隻老鼠無郁. 好怕抽起. 打飽個肚起步, KIMMY 又到. 一大段的石屎平路跑, 回想上年深夜同首領跑過. 條路唔跑唔得, 痛都要JOG!!!! 後邊因試過路, 行得安心好多, 接回山路. :face97:


CP8 馬鞍有暖胃雞粥, 一口氣3碗, 食完放電起步, 不久就落大雨 !! 到處已是泥漿, 萬里長城跣又跣. 落東洋山滑左兩交. 都追上幾位跑友, 同文浩邊行邊講, 佢都開始食唔落野.:face42:

CP9蠔涌, 自己友阿FRED 包左一個CP 做, 食左兩碗齋蕃薯+包, 最後加衝線的POWER GEL ! KIMMY剛到, 我發力就上百花林, 飽左感覺速度快左, 一到井蘭樹路跑都快D, 爆上最後五桂山就開始窄窄地, 死都死捱埋去, 衝落市區, 在雨中奔到終點! 今次同KIMMY 互片, 推爆我咁滯, N80刷新上年紀錄12:58HRS.

成绩