毅行、樂善之後剩番渣馬呢個賽事，純綷係玩個人時間，競爭無咁激烈，人就自然變得疏懶。記得之前只係操過兩課，只得20K左右，加上近日低溫持續，直情進入冬眠狀態。
今日需然係凍，但都有太陽，見渣馬只剩個多月，都要操一操，所以決定操30K，在青衣海旁跑來回，一次來回5K。開局都算幾好，但風大都真係幾凍，頭10K用50min；諗住仲可以加少少力，點未到15K「攪肚」要去公園廁所，辦完妻後個身凍o左要「撻」番著。過o左無耐左腳腳趾有D痛，加上個胃已無o野消化。因為無帶水及食物，所以決定25K就收爐。
25K > 2hr 21min

P.S. 事後發現左腳第3趾起o左個小水泡

又玩長課 我無試過練習多過23km

懶散o左咁耐都要做番D野，仲有1個多月，最多可操多3課就要落場。
聽人講話要4個月前準備，又要操幾多幾多次相比，我地係懶到出汁。不過人地可能係賺番報名費要做sub3，我地只係柴娃娃嬉戲遮。

運動係用來玩用來健康, 太辛苦用太多時間去做運動, 我係唔會既, 要平衡生活各方事情先得架

要平衡個位人兄... 今日要休息下喎...

如果唔聽話呢... 之後有排你受！  

o下！嚴重o左呀？保重，保重。