歐聯決賽，紅藍對決，今次終於打破”決賽例悶”既定律，相當刺激，可能大家都好熟悉對方，所以一開波就”砌”。上半場曼聯表現好好，艾辛明顯睇唔住C朗，比佢頂入一球，好彩車仔臨完半場前追番平手。

到下半場就輪到車仔發威，中場比車仔控制哂，但係車仔都入唔到波，又中眉又中柱，唔可以反先真係幾唔底。不過曼聯都有黃金機會，全靠泰利響門前頂住。
終於黎到射十二碼，見C朗射失，唔通車仔真係有機??? 最後一輪只要射入就可以捧杯......點知泰利......起腳時一”扇”......就咁射失左..

跟住到突然死亡......安歷卡射......見佢眉頭深鎖......點知比雲達沙撲到......咁就將個冠軍送左比曼聯.........

睇見泰利哭成淚人個樣真係好心酸，如果佢射入左球十二碼就可以捧杯，點解要係佢唔入呢???我好希望車仔今場可以贏波，等林柏特可以將個冠軍送比佢媽媽，可惜命運又再一次作弄佢地.....希望車仔下年努力。

It is petty obvious that Chelsea performed better than MU..yet "Ball is Round"....take it easy....