酷熱繼續操澗，但以往行過嘅澗今年都行得七七八八，唯有試新澗，呢幾條都算易行，又可以連走。
石門甲入鳳大北坑，澗道開揚，無咩樹蔭；澗道平緩，無咩大潭大瀑，東涌路就在澗嘅左邊。酷熱之下途中都一定浸水，而且亦不乏闊大淺潭
一路行已望見鳳東飛瀑，至一分源位右上飛瀑，感覺有啲似王母瀑，不過上完一層一層，都無潭位可以落腳，唯有上到頂至有個小水潭大休食西瓜。
鳳東飛流上源水道收窄，沒入樹帶，但水量仍充足，最後接入地塘仔郊遊徑。向地塘仔進發，走一段路接入東昂古道，下走一段就可接入曹溪。曹溪水量比鳳大北坑大，一路下溯，見有潭有瀑，在一處淺潭位浸水降溫。點知越向下溯，潭瀑位越見精彩，亦越來越大。雖然見潭水清澈，但上游有一眾精舍佛堂，有人居住，都會担心水質。
最後經一堤壩，接上小徑匯入東昂古道出石門甲。玩足五個幾鐘，連走三澗，開心之餘亦筋疲力竭。

Tommy金句：原來下溯仲攰過上溯

今回又盡興.  又是本隊第一次 玩下溯. 難度又多左d.
七月行澗,硬係爆小小缸.

大熱天時, 要係d無陽光曬到既地方先安全

就係呢種思維方式做就咗商場文化同地產霸。