早已聽聞蓮花石澗係九大石澗之一,但遲遲未有KO佢,並不是佢難度高,而係要行一大段路至可以入澗,出澗亦行一段路,車程加出入都頗為費時。今年主要行開ge石澗都到過,唯有搵新澗行,卒之揀到蓮花石澗。
由元朗轉K66入大棠後仲要行4K多石屎路入吉慶橋附近至可以入澗。澗段下游比較平緩,但澗內石位不多,只可在澗道兩旁穿越。雖然水量大,但景觀平平,開始懷疑點解會列入「九大石澗」
。行0左約澗道的一半距離,見到D淺水潭都卒之要落水降溫,因為行0左幾K入來,加上澗道無咩風,早已大汗淋漓,有人更紅光滿面
。在小潭內捉魚仔、食西瓜,玩個不亦樂乎,大有斬獲。Hae完一輪起步,點知行無幾遠就有大潭大瀑。因為剛剛hae完,所以繼續上路,望潭輕嘆。
越向上行,景點及大潭大瀑開始陸續出現;「紅蓮絕壁」之後係「彩瀑紅蓮」,再上一層係「蓮台飛渡」,見有山隊在此大潭大休,我地都不甘後人,再玩一輪。
再向上行,在小水潭內捉0左好多蝦,返屋企有排玩。經過「蓮蓬石」、[蓮花走廊」就見「蟠龍飛瀑」,上、中、下三層各見精彩,但多數人在上、中兩層玩水。見已兩點幾鐘,從山路繞上上層瀑頂接上山路出澗,走清快塘迅速脫離。
P.S. 蓮花石澗水質欠佳,加上出入唔方便,所以已被隊員列在玩石澗名單較後位置。