又係一年一度既Solomon，今年轉0左組別，同JoJo夾玩「男女混合2人組」因為上年少人報呢組，但今次一睇落去都有至少16隊，可能個個都諗住呢組易贏。起步前；都見到好多熟人，有[群山」的Kennis，陸遊人的Candy，當然唔少得同攀山會的「鍾Sir」合照，只要叫一聲「鍾Sir」，買0野就有9折。

8:30起步，好多人一開始就爆出去，我地就跟自己節奏慢跑，上0左一半發覺在中游位置。8:52到北潭凹，開始漫長既三、四、五段。9:42去到畫眉山，亦都過0左幾隊同組的。到上雞公山時追上Candy，一齊行0左一段，10:17上到雞公頂。跟住直衝落山，途中左腳仲咬柴，好彩無咩大礙，10:35到企嶺下，亦追到同組別的Kennis。拎完兩隻蕉同能量飲品後立即上路，中間只逗留一分鐘。

上馬鞍都係耐力既表現，因為今早既食物都消耗到差不多，唯有死命踩上去，11:35到馬鞍坳。跟住係快活既落山路，在昂平的路上將帶來既飯團都食埋，12:08到茅坪。上大佬山時Candy追番上來，果然後勁凌勵。12:59到基維爾，此刻個肚開始空虛，唯有頂住去到check point。1:21出到沙田坳道check point，見到咩0野都殺，卒之要0左兩條蕉，一個梨，一件麵包、一支水同一支能量飲品，好快已食完，跑到落沙田坳1:35。

上獅子山開始腳有點累，但好在唔太長，頂得住。2:11落到回歸亭，跟住食埋最後一包gel準備上畢架山。慢慢踩上漫長既梯級，2:31到波頂，二話不說跑落山向終點進發。去到尾段，終被Kennis追過，到終點時間係6hr 27min，只係慢Kennis兩分鐘，組別第5名，但對我地來講已係超標完成。

8:30起步>9:42北潭凹CP1 (3.2k)>10:35企嶺下CP2 (13.2k)>11:35馬鞍坳>12:08茅坪>12:59基維爾>13:21沙田坳道CP3 (27.7k)>14:31畢架山>14:57大埔道終點

            08年成績          09年成績
Charles  6hr43min         6hr27min
JoJo      7hr43min         6hr27min


ps.阿土地,點解我地唔可以係呢到做版主, 超過15分鐘唔可以edit

快得咁緊要, 好明顯, 唔影相就攞第4啦

玩比賽, 來來去去都係個班人, 比賽咪當聚會囉

淨係行第三段,只係用左1:43分, 好耐都無做過. 比charles扯爆左
腳趾成日抽筋

爆左就完成唔到啦. 2個鐘內完成第三段, 已經唔係常人了

好彩呢日天陰有風，如果晒住上山，可能要加多一粒鐘至返到來。

今年都多左鬼佬玩. 睇o黎呢個比賽越來越多人玩
你都知頭該d羅獎都係咩咩跑會,又有私人support. 做到呢個成績,都beyond my expectation 不過最緊要都係天宮做美o者 跑到尾聲,開始落密密麻麻的雨, 好彩!

jojo , why you need to wear the gloves ?

長時間行山如毅行,手下垂,帶手套,可以防止手指充血腫脹.
有比賽要跑山,雖然充血現象減小,但可以跑落山時,有樹拿樹.(怕比樹枝杉親) 對我來說,有保護作用.

Is it a general GYM gloves ?

我該對就係,charles該對係單車手套,有多層布係手背位沬汗

好久沒有出現啦
原來對手套係甘有用嘅
妳好勁呀!可以跑得咁快,平日係咪都有做GYM o架!
我同我同事講,嚇親佢哋.問妳係咪做警察,我話人哋好似做文職o架!
佢咃覺得難以相信!

首先謝謝你的贊賞 其實成績好主因都係天氣好. 差不多全程陰天,早前還擔心個颱風影響會落大雨tim.
自已跑步係弱項,唯有落山爭番d時間.
哈.. 好多人都唔信我做文職,仲係秘書出身
自2001年尾,有同事帶過我一次跑山,逆走麥徑(荃錦坳至城門)腳痛了四日,才愛上左行山,之後一直都沒有做gym. 覺得室內運動好悶

我都估妳做文職
原來妳做秘書,咁真係好勁
做秘書好多都不喜歡運動,仲要行山,我哋公司差不多个个女仔都怕曬,唔肯去行山.唉

話就話係老秘,不過要做成team人的野,即係打雜 不過都總好過坐係到"挫指甲"
我地有位基本成員,長衫長褲,帶燒旱帽兼手套,包到一忽肉都睇唔到,所以都唔怕黑ge

jojo , what is your TW target time this year?

心想硬係好過07年最好時間23:54啦. 快得幾多得幾多,仲有今年尾段改路線(長左又畸嶇左). 預唔到時間呀咁即係無target啦

搵到D比賽相。

影得好靚,好少可以咁清楚

每次玩完比賽之後都會在網上週圍搵相，尤其係大型比賽會有好多人影相。不過今次呢個人少玩，所以暫時只搵到一張。

我剩係跑過馬拉松,次次都影得唔好,有時影到个人企埋一邊,
又或者唔清楚,甚至連相都搵唔到

望清楚原來張相係你搵到,唔係jojo搵,因為張相影得jojo好靚
你就影得唔清楚,如果清楚,都好靚仔o架

What is your team no. this year ?

盡量見到相機就自動擺款!一定點

03年玩到e+都只係official玩個兩次,今年都係自由行不過今次會同charles試做時間.
你呢? team no? target幾多呀? 幾點出發. 睇下撞唔撞到你

渣馬搵相都搵0左好耐至搵到10張8張，效果都唔算太差，宜且都易搵。但樂善盃就難搵多啦。

成績原來已經出0左，操山操到幾乎忘記睇添。

同第4隊d時間, 分段都咬得好緊

我地都無理其他隊，只知起步時有好多隊跑晒上去，但到上嶂上同過雞公時又過番幾隊。第4隊在水浪窩時早我地3分鐘，一見我地到又無停低就跟住起步，不過上山我地快D，直至落畢架時至追番過我地。
我地都無理會名次，一路上唔知自己排第幾，幾多名次有獎拎又唔知。仲帶埋相機去跑添，我都見唔到有其他參賽既帶埋相機。

有幾多人學似我地咁傻, 玩比賽都帶相機架, 粗糙計, 每影一張相頭尾加埋都用左半分至1分鐘, 影返幾十張, 就慢好多喇