今日安排短線遊，點知小七小七，人人食彿得。有人去0左操山，有人剛操完山，有人有飲宴準備操酒，有人唔見0左個人，有人重過個人.....................，總之有種種理由缺勤，最後剩得我同JoJo。都好，因為試新路，都唔知路面情況如可，免得被人投訴。

本來9點鐘起步，點知在牛池灣街市搵0左半粒鐘都搵唔到上山既路，唯有跟車路上札山道再上飛鵝山。呢段路以前行過，無咩驚喜。唯獨今日都算望得遠，上到開陽位就成個東九龍都望晒，在秋風下可以攸閑地玩石影相。上0左一半，見後邊有幾個人都係上山，但到我0地到頂時就影都無埋。

遠望左右兩邊，由馬鞍山、水牛、黃牛、大老、慈雲、獅子、畢架、針、草、大帽山都全部望晒。

走過象山、東山接回飛鵝山道。今日雖然晒，但山風強勁，所以行得都幾爽。沿飛鵝山道落沙田坳道至吊草岩，重溫上星期比賽既片段。在吊草岩轉落茅達村方向，經過錯摸、搵路、剷草之後，卒之成功突圍，走向水泉澳方向。  落山既路比較畸嶇碎石多，有D位都幾斜，要手腳並用，最後尋到水泉澳地標 ﹣飛來石、試劍石。玩完後路程亦都接近尾聲，只需再下降100米左右就出到馬路，向沙角邨徹退high tea。

看似有藍天,不過越近中午,風大,但霞氣吹唔散. 今日空氣質素差到離譜,毒霧迷城.藍天行動搞左十久幾年都癈ge. 買咩鬼慳電膽.

今次d相特別好多wor

你地唔係到,hea下,影下石景law

因為係新路線，所以多影幾張相介紹一下。