熱燙! 2009牛年樂善行 (JoJo) - 哈囉~比賽 - 哈囉~強

jojo

百公里大地主

UID 11
精華 0
積分 2969
帖子 2969
閱讀權限 150
註冊 2007-3-6
狀態離線

發表於 2009-12-14 22:30 資料文集短消息

熱燙! 2009牛年樂善行 (JoJo)

玩了6年的樂善行,一年比一年多人,而且高手雲集, 路線極具挑戰性, 今年算是最熱的一年. 足足曬足幾小時太陽, 秏盡體力

激 ! 參加人數每年都有遞增, 3千5人齊齊起步, 數秒鐘後, 我已經見到兩個人跘倒, 人踏人意外隨時發生.

上赤徑的時間,路窄,有條某李食煙, 真令人討厭!

其實今次有Tommy / Daimen 做 support, 所以起步時沒有帶水, 涯到大浪坳見到support 時, 已經好口渴.

上蚺蛇,慣常塞人,好曬但尚算有風. 過了第一個檢察站, 已經有人抽筋,坐係山邊草堆. 有工作人員替佢拉筋.

近日自已狀態不好, 多晚飯又星期六上了一整天堂. 沒有足夠休息,起步已經有輕微頭痛,唯有途中食了粒止痛藥才好了些.

一如已往, 落長咀的浮沙碎石路, 係過人的好機會. 越近中午,天氣越來越熱,長咀檢察站,我起碼渴了3杯水, 飲到肚都漲晒.

我那條黑色三個骨褲吸熱得很, 成個人由頭燙到落腳. 無咩心情跑. 感覺大浪四灣氣溫接近28-30度.

落大灣前的一個小山丘,好多人一條龍走下路, 我就行上路. 一個人都無,行得好順. 隨即聽到有人跟住我行.

鹹田,見到友善的support,遞水送包. 但係唔係好食得落,食了半個.

到大浪西, 見到石仔, 佢又爆左,坐了士多石壆,樣子好苦. 一路上, 偶然見到有人賣老抽要休息. 到吹筒坳轉入石屎路, 尚算跑下行下到西灣亭檢察站. 有幾輛消防車及救護車, 唔通又有人出事??????

唔理咁多, 拿罐可樂! 突然有位男參賽者: “跑啦, 一齊跑”我以為佢同邊個講. 原來佢同我講話“一直跟住我跑”. 心想佢應該由大灣前那個小山丘跟到西灣亭的那個人.之後佢一支箭跑左去.我仍然“嘆”可樂.

石屎路,曬到死. 途中,都有消防員同我打下氣, 落斜時,仲有駕消防車吊住我尾. 迫我越跑越快.不過無論點快,心知今年比舊年慢.

到終點站,又係那條長暗斜,除Tommy/Daiman同我打氣外,仲有人熱情大聲叫我, 原來係Eudia的爸爸. 最後以4:55小時完成, 手手腳腳都沒有損傷,算係咁啦.

倘若每年人數再上升, 加上自己的極限, 都差不多沒有改善空間了.

過往成績一覽
               總人數       女子名次    時間
2004             2050             64          5:33
2005             2500             74          5:10
2006             3033             110          5:07
2007             3100             60          4:46
2008             3100             56          4:44
2009             約3500          58          4:55 (未有証書)

今次無相機上路. 不過可到網主後記觀看.