清晨有雷雨但朝早很晴朗, 趁好天, 諗住去d高山或海邊影靚景. 0

搭車入西貢市時, 正諗緊, 行條長線的麥徑1,2段, 還是直接在西貢市兜一圈上大金鐘. 點知... 發覺無帶相機!
只能用電話影. 咁就唔好咁辛苦去行長線又無得影靚景了.

好曬, 行平路都出汗, 最近小了運動, 只是上斜30分鐘, 已經要小休及降溫, 先可以繼續前進. 一路上斜, 行得唔多就要透大氣,
上到馬鞍山坳前, 都停了差不多十次了.

上到馬鞍山坳, 天氣開始轉變, 開始陰天, 間中有一兩點雨. 跟著, 便上第2個山頭, 大金鐘, 因為行此路時,通常都是練毅行者,
極少會上大金鐘, 所以今次係專程上一上.

上到大金鐘, 四野無阻, 可惜天陰陰, 景色就遜色了一點. 上落大金鐘的路比較直, 平時都要就住行, 點知臨下山時先落大雨,
路又直又跣, 要埋雙手才可順利下山.

之後, 接返馬鞍山郊遊徑, 輕輕鬆鬆返回西貢市.  

路線: 西貢市 -> 竹洋洋 -> 馬鞍山坳 -> 大金鐘 -> 大水井 -> 西貢市 (10點30分 -> 14點30分)

全部相片: http://www.hellokeung.com/gallery/photo_n125a/

竹洋路的豪宅門口	林路中
高聳的馬鞍山	企嶺下海
彎曲山上	西貢市及匡湖居
大金鐘	大金鐘頂留影
下筆直的山路, 見很美的大遍青草地	城門河口
雨中漫步	足印

全部相片: http://www.hellokeung.com/gallery/photo_n125a/

藍天白雲幾小時,去萬宜影相一定靚,無帶想機 可惜..
你好大膽,下過雨都去大金鐘,實跣到一卜一碌
咦!!有印象西貢1:30pm下大雨borrr,你無濕身咩

好彩無去萬宜, 如果唔係, 行到咁遠, 落雨, 有機相, 都無意思.
1:30pm下的雨一般大啦, 不過不算太濕身, 2:30pm去到西貢時, 就真係勁大雨啦, 在巴士站有蓋遮頭, 仲濕得勁.




你地逆行麥徑, 又係經大水井走, 見到大雨, 應該都差唔多時間完成喎!

oh..係喎!你成10:30先到達西貢市,還要去北潭起步..或都行到一半便大雨淋頭
其實清晨六七時,天清的程度比我地上山還清. 太陽出現時,從飛鵝山望出去,已經有點點矇,但還是美. 對香港來說,是很難得啦
我地行去梅子林時, 已聽到遠處有陣陣雷聲,好彩下山時,黑雲還未吹到西貢那邊...唔係那條落大水井的石路實好跣
落咁大雨,真是有雨傘都濕身.