近日因背傷困擾，所以不能行長途；加上天氣不穩定，所以選擇大明大路。
未夠十點就已經起步，因為小七只剩三人，其他全部缺勤；又話呢、又話路，攪到小七完全不成隊形，散晒。
今日濕度相當高，加上無風實在難捱。逆走麥徑，中途轉o左上孖指徑，完來我地都未行過呢條路。接入衛徑後再接回麥徑。九龍水塘同鷹巢山段都有好多討厭o既馬騮。筆架山都無咩遊人，但上山時因為背風，所以好濕熱，辛苦。落到回歸亭就追到「週日」山隊，所以好多人，相繼再起步。過o左獅子山之後，近雞胸山就有路轉落沙田坳道。呢條路係上次我地行石馬脊時見到，發覺我o地完全無人行過，所以今日一試。落山無耐就開始響雷，加速落山的步伐，一點左右就落到沙田坳道（法藏寺），完成。三小時，11K左右。

今日小七散晒! 9:45am 大文豪仲係床上, 果然一條大懶蛇...

嘩嘩嘩... 3小時行11KM....

我之前都叫你地頂住個小七先啦, 下兩個星期日我咪出席囉

今日大霧, 無乜景, 應該跑山

嘩嘩嘩...咁ge速度慢到...嚇死人.

跑山!?? 背風位上畢架,快窒息死人..

我在七時四十五分已起左身．．．去按鬧鐘

平時都教鬧鐘 我只會有重要事項先會教鬧鐘, 一年都無10次
但係我會好細聲開著收音機, 如果醒左, 聽一下做緊乜野節目, 唔打開眼都大約知幾點.

跑山？呢日有雷雨，有幾聽仲好近，大家都雞咁腳走啦。