2010/07/10
昨夜仍有大雨，朝早起來只見地下濕，但有藍天、白雲，視野廣闊，同JoJo上山閒遊散心。
由城門龍郊遊徑起步，轉上大帽山石林山脊，再轉入山腰橫山小徑向响石墳場方向。初時上山，雖然有樹陰，但都勁出汗。接上橫山小徑後，因為平路同全線樹陰，所以舒服好多。去到另一邊脊位，向下可落响石墳場閃人，向上直上妙高台。見時間早同天氣好，所以都係向上。去到瞭望台，清風送爽，一望空闊；東面望至馬鞍山；西面可望至西部通道、蛇口；南面可見南丫島。自己走過的山頭都全部辨認得到。Hae左好耐，都係要走o既時候，接回大帽山道落山走人。

2010/07/11
已plan左走香港島的兩座山頭好耐，今日成行。晏起，因為估計都唔使花好多時闁，所以施施然過灣仔搭巴士上中峽公園。在中峽道接入港島徑，好快就見到上金馬倫山的石級位。初段見有石堆，企在上面，因為吹南風，所以風大清爽。但一潛入灌木林就形勢逆轉，須然路徑明顯，但因草長而要爆草。上到山頂，涼風依然，總算有D安慰。北望番九龍西貢群山，同昨日一樣精彩；南面南丫島同大陸外島依然悅目。
落一段急斜，接回布力徑，坐低加一加水。再轉上聶高信山，今次條路易行好多，一陣就到頂。不過落山就要就要特別小心，因沙石跌腳。出到黃泥涌夾，上陽明山莊百佳打水，加插後段衛徑出鰂魚涌，純萃為雷利試路。
全程雖只16K，但出汗出到爆o左，由十點幾玩到下晝四點幾，又KO多兩個山頭。

夏季雖熱,但景緻一流, 望得十分遙遠.  所有香港山脈盡飽覽無遺.

夏天無左大陛的毒霧吹來, 一向都好好天, 景好靚.

你地真係有無限精力

哩兩日, 我同Maggie只係在有冷氣的商場行來行去, 只係想話行室外都縮沙

唔怪得之你無o野post出來啦。不過外面真係好熱，昨日飲左2L水都唔夠，行完之後仍然繼續補水。
本來諗住行澗，但太小人玩水都無咁過癮，所以去KO尚未KO的山頭。

唔上山, 可以行下水塘, 影下相, 學下笑o者. 商場,次次都有得睇, 無$買.

我係跟住去, 制止買野

食野唔會禁啦瓜!

今年玩多o左個雷利，都唔可以太hae，一有機會都要操。總不能夠行雷利仲慢過毅行100K啫。不過實情要用幾多時間都唔係好知。亦都有隨時行錯路的機會。

無錯, 雷利第一段, 及碗窰至大埔頭, 都未行過.

咁遲D都要試o下路。雷利第一段好似行過，不過如果到時路標唔夠都係死。

唉，上個星期0甘好天，挂住睇世杯决賽，沒上山。點知呢個星期又打風，又沒得行。

哦,原來你係球迷.  
大把日子. 香港夏天長過冬天 (或者第時無冬天), 實有機會上山睇靚景ge