毅行逼近，好在連日有雨後今日天晴，實行操山最後召集，不過都只係得3人。

約9:08黃龍坑車路入口起步。今天全日放晴得有點過份，上黃龍坑時勁流汗，而且仲好跣，用成粒鐘至行完條樓梯。大東就好快行完，小強落伯公坳都仲遇到D朋友。上鳳凰初段由小強領放，在寧爆莫留前提下，小強中段派貨尾，12:25到鳳凰頂。
落鳳凰同大東都一樣令人討厭，因為比較斜，所以石級都好大，實在係好傷腳。出到昂坪市隻加糖加水，小強遲來，原來臨尾「拗柴」。沿鳳凰徑改路後的車路段落到深屈道，大家分道。
繼續跟鳳徑走落大澳，因趕時間中段走o左short-cut，「悟園」段係好跣，要特別小心。
3:00出到大澳，補水同食o左兩個包，繼續行程，但要穿越大澳內街的人群同搵路轉入東澳古道都花o左D時間。接上東澳古道，可以跑的時候都會跑，但沿路行入大澳的人絡繹不絕（其實今日全日山上都好多人），仲遇到兩個去西藏時的團友，真係有緣。沿路落斜就跑，睇住天色下沈就更加要不停跑，最後5:17回到起點處。

東涌 - 黃龍坑 - 大東山 - 伯公坳 - 鳳凰山 - 昂坪 - 觀音山 - 羌山 - 大澳 - 深屈村 - 東涌
約36K - 8hr07min

太耐無行羌山, 觀音山, 少窺了這兩幢山. 派到無晒貨, 好肚餓, 到大澳,其實好想搭車去東涌, 但為了慳車錢, 只好買了四個餅,又繼續找路上東澳古道.

原本已經無乜貨, 上大東都仲跟得到, 上鳳凰至少慢15分鐘. 諗住下山應該都OK.

點知係同上次同一位置「拗柴」(一張要吊腳坐的橩傍). 真係提早收工, 下石級完全唔得, 所以直下深屈道行尾段.

因為全是平靚石屎路, 所以尾段閒遊, 見有路出海灘都行下睇下.

路線: 東涌 -> 黃龍坑 -> 大東山 -> 伯公坳 -> 鳳凰山 -> 昂坪 -> 深屈 -> 東涌 (28km, 7小時35分)

全部相片: http://www.hellokeung.com/gallery/photo_n298/
.

馬灣新村入	上完黃龍郊遊徑
下大東	前望鳳凰
昂平	深屈村
散石灣海灘	散石灣碼頭
沙螺灣天后廟	在沙螺灣睇飛機
鱟殼灣	還未回復的河道

.

無唔知點解叫"黃龍坑郊遊俓", 條天梯仲勁過上嶂上.

你搞點隻腳未

仲痛緊, 只能慢慢行

又唔睇跌打

每次睇跌打都好似仲傷過未睇之前, 自己用跌打酒好過

黃綠醫生.
無咁辛苦,不如揀隊30個鐘完成..

同意!!!!
30個鐘的一隊仲要人呀

隻腳有否瘀血浮出呀?
靭帶太傷, 10天未必能夠完全康反復
要快D好番呀

o下！到依家仲未齊腳。
我o地都無睇「強記」傷成點，憑以往經驗兩星期只能好八成，不過都可以落場，但要就住行。預28-30都應該會行得舒服。

無瘀血浮出, 因為扭完之後行平路, 繼續有血液循環, 但都有小小紅及痛.

你都未答個隊幾點起步同埋肯唔肯入鏡, 哩樣最重要架

乜要咁耐架, 我忘記左添

欠人個隊是"FRIEND OF STEVE", 我都唔知樣起步為０９００

我哋個隊０２８９未有時間更新隊相，起步為０９００，我已經喺第五個啦

咁你吾入 friend of steve 該隊

０２８９其中一人等批假，　我可能要頂上

好似好復雜，咁多未知之素。

但是Friend of Steve個隊（不是０２８９）仲欠一人，要人

E+ 改人要 $$$ bor..  賽期將近,都未決定

０２８９有新隊員，想要Full Cert. (Team Cert.)
要儘量幫助新隊員

咦帶新人出山，「強記」都好拿手。

點解我次次都同新手(or 未曾full-team完成)行毅行

你入果D 20-24隊就唔洗跟新手law。30個鐘，你都可以push到26遮。

你係山神,咁多理論,教下後輩