起點	9:07
CP１	12:15
CP 2	14:36
CP３	17:10
CP４	21:05
CP５	23:35
CP６	1:20
CP７	3:45
CP８	6:30
CP９	8:05
終點	25:45

                       

對於一個經驗不多的毅行者言，每次都是一個很寶貴的經驗，汲取每次經驗為下一次做更好的準備。

CP1 　今年汲取去年的經驗，起步時不敢快行，尚未熱身更加不能快。感冒在身上西灣山感吃力，到西灣腹部微痛需進食了，在鹹田士多坐下老板介紹芙蓉蛋飯，哎！那個飯的飯粒好硬，咀嚼兩三羹巳花了好幾分鐘時間，好餓，可是面前那碟飯完全沒有叫座力，吃到第四羹竟然想嘔，算了，整碟飯好像沒動過，另叫碗豆腐花，老板都有點不好意思，怎好？疑問自己是否仍有力氣上雞公馬鞍？在這裡巳坐了半小時，離開鹹田士多拿出帶來的麵包，平時吃麵包冇難度的我兩小片巳吃了個天長地久，悶悶不樂，點解會咁？好在有些葡萄乾。

CP2  　肚子的感覺很不充實，以為到墇上可以吃燒賣解決問題，結果仍然一樣，好辛苦食完兩粒又有想嘔的感覺，望著那碗仔燒賣真係想喊，惟有全倒入食物袋，固體食物有抗拒惟有買支竹蔗水。

CP3 　上馬鞍前總算可進點食和飲，落馬鞍塞人，又是在第四段仆倒，共三次，其中兩次是因為讓路，好在都沒大礙。

CP4 　在基維爾飲了兩杯奶茶提神，進入大老山──當兩青年過我後很自然便跟著他們的光前行，行呀行覺得路變窄了有點不對，沒多久聽到狗吠聲，哎呀，跟咗佢地行 shortcut 添，前面的光返轉頭，問他們是否不能前進？答說似乎有危險，告訴他們這是捷徑，於是我引領他們返回正路，回頭時遇到有些人他們堅持要走捷徑。到了沙田坳士多想也不想就叫了菜麵。

CP5 　金山好像車多過人，車頭燈太耀眼！

CP6　 買了罐可樂，上針山前的 energy drink。

CP7　 鉛礦坳那碗麵真的很難吃，如果有合味道杯麵就好，我寧願付錢。上大帽山一直有些人跟在後面，有一小伙子向我搭訕：「姑娘，妳一個人呀？妳的隊友唔等妳呀？妳隻腳有冇痛？我的腳趾傷哂。」我問他有否塗 vaseline ?他說唔鐘意黐立立，我說可以黐膠布，他說後來黐咗，他的隊友立即說他們所有的膠布都俾佢黐哂，跟著他又說我手電筒的光不夠亮，確實，我讓他們先行，他說妳小心呀，幾可愛的一位年青人。大帽山上的路白天行唔會有問題，在黑夜我的手電筒又不很亮，好多時行下行下唔見咗條路，即係眯埋眼就唔認得路，所以下次第八段不能只練習一次。　
CP8　上草山時腳掌巳開始微痛，到這裡愈急步就會痛多些，時間是七時，11時前要到終點尚有四個鐘，非跑不可了，旁有兩位男士，其中一位又問我是否一人？（我巳被問了不下四次）我問他們做幾多個鐘，他說28，希望１時前到終點，我說一定冇問題，心暗忖，以他們兩位壯男的速度要六小時完成這最後兩段？咁我咪失預算？唔理三七廿一見有落斜就跑，能跑多少就跑多少，腳痛也得跑，反正行也是痛，最後一段我肯定跑不動。

CP9　好了，跑完了，最後一段路不難行郤是漫漫長，也是最痛苦的，去年如是今年也如是，為了爭取時間不能慢下來但巳無力再加快，積壓下來的痛亦痛到化不開！距終點尚有１公里吧，後面鬼佬問我 Do you have something to eat？還以為他開玩笑，原來是真的好餓，我把吃剩的半袋提子乾給了他，他也分了些給同伴，然後回頭大聲說多謝我的提子就跑了．終點在望了，先前在第九段那兩位男士奔跑上來大聲說終於追到妳了，還向我高舉挴指說妳好嘢，看到他倆笑容燦爛我也很開心，因為他們本來是準備 28小時的而現在他倆比我還早到十幾秒，時間25:45。

ＰＳ：
毅行者都很友善．
今年的氣溫 just right , 晚上不用加衣，水則比往年喝多了。
去年那碗粥是最美味的食物，今年只有那竹蔗水是最美味的
經過兩次毅行，如有support，我會說：粥，雲吞，菜都是我最想吃的
自備寶礦力粉一包仍嫌不夠 (當然要看天氣而言)
朱古力一小條巳夠除非天氣寒冷
穿五指襪都會有機會起水泡，下次不再
腳掌痛來自那隆起的繭，不知這是否雞眼？
兩碗麵、七片麵包、兩片蛋糕、提子乾、朱古力、奶茶三杯是我今次的食糧。

25:45

又係食野問題, 快就會食唔落野, 粥係最好的, 今年有帶粥食, 所以遲了出問題.

CP7既搭訕都幾奇怪喎

我同自己講: 小強上身 ^O^

需然今年係獨行，但你今年經歷不比上年少。
多數毅行者都好友善，中及後段的 check point 工作人員亦都樂意提供水同食物，相信你都習慣了。
似乎24都唔係大問題。計算落「小七」都係一隊好強o既小隊，有超過70%成員可以做到24，都唔係好多隊做到（幫自己隊貼金）。

CP4 個段....
好像我們(其他小七成員)有類似咁估過...Elsa 會唔會跟咗人直去shortcut
但估唔到會行返轉頭

真係報比賽要填「小七」隊名先得喇, 計埋團體分

如果小七有機會齊腳入隊
枱面枱底數字要幾多呢????
28....22.....1X  

枱面價22啦, Elsa Jojo Charles Daimen, 4個組隊, 我負責5個可搭車到既地方去support你地

芙蓉蛋飯,燒賣,碗麵,可樂,全部街外野,食唔慣,有毒,所以想嘔.
今日撞到個魔鬼教練,行長戰,最好似一座焚化爐.
出年,我都怕走唔甩.. 強記: e+ under 20,係咪certify super?

講!講!講!最緊要都係拆掂籌款先，無錢就無得講，繼續食自己，甚麼枱面、枱底都如浮雲。

你老婆有間大公司做靠山, 你拷佢易過啦

快馬緊係爭住要啦, 佢地見你仲有餘力呢!



樂施超級毅行者：隊中最少要有三名成員曾於過去三年任何一年參加「樂施毅行者」，並在20小時內完成全程。必須全隊於18小時內完成全程，方可獲得「樂施超級毅行者」證書及排名。

成間公司6百幾人, 玩只得半打落場, 來來去去都係我地幾個, 九巴就大把新丁落場. 呢到d壞鬼後生仔女死晒去邊,唔好成日找我呢個弱質女流之輩.   

我係蛋散,係大公司做,唔好咁高調,樹大招風,以前未嫁時,被人仇視得好緊要,背後被人話咩咩 "飛上支頭變鳯凰"  ! 吹咩! 有料,你地咪落場玩law!

唔怪得佢地要為super舖好條路!

嘩！比我搵到 Else 沙田坳的一張相，都好難得。妳快D回憶o下在邊處有人幫妳影過，等我o地搵相時幫妳留意o下。

"飛上支頭變鳯凰" 點飛法 唔通你已經升到做公司秘書

當時慢跑向下，左面有些人像在等候似的，以為是湊熱閙的遊人，回想確是在那裡被照相機閃了一下。

吹吹水不妨，實力太懸殊了，你們四位都是跑全馬的。

其實我既最佳能力係得40K左右, 毅行係更硬來行.
你地100K穩定好多.

第一次, 代表公司團隊玩2002年綠力50k 羅第二 (本來我都係以個人名義報左, 只不過被佢地撈返起去隊賽), 之後得奬,circular一出, 咪成間公司知道晒. 那時ce 又愛行山, 吹兩吹,越吹越旺.. 一日成名咁滯

不嬲都係老秘, e+ 老秘 + 打雜.

老秘都有好多級架, 至少去到老老秘級啦

多個"老"字係10年羅老人牌 升識就無份, 升上神枱就遲早