今日端午，梗係玩澗游龍舟水，好過去海灘、泳池同人逼。
今日只得3人（因為有啲人真係要去同人逼），粉嶺人齊就行。入到南涌太陽熾熱，雖然有搽防曬，但昨日都有啲曬紅，所以都唔係好自在。入澗見水量不大，一路上行已汗流浹背，下游見有潭瀑清徹立即落水。好在今日此澗不多人，可以獨佔，清涼感覺，暑氣全消。因為水量小，所以大部份路段都可在澗石上行走，所以連屏南石棧道都skip咗，好快就到中段位，亦都有啲郊遊人仕嬉水。
接上游段，好快行到雙瀑潭，又係全身濕晒，要落水降溫，冰涼透心，加上西瓜大邊，一樂也。再到上游出澗位，最後一潭，浸多一陣。離澗時Tommy話時間尚早，不如加料落丹竹坑走，所以加3.75K向龜頭嶺、平頂坳進發。梯級爬升近200m，大家又變回一個水人，好在天陰至無咁熱。一路上其實都有响雷，點知上到平頂坳仲落出雨嚟，好彩已經係wet look，話知佢紅雨。到落丹竹坑時又出番太陽，熱氣即時蒸上來。最後1:37行完南涌郊遊徑，出粉嶺tea。

PS: 全日先流汗，後浸水，再流汗，又淋雨，又再流汗，件衫都未乾過，水戰打足全場。

一星期加加埋的汗水, 足足流了一公升.

咁熱都仲要加多幾k開揚曬路

Tommy話加料，係咪唔比面先，熱爆都要同佢行啦，況且有雲，仲落埋雨添。

記住,記住呀大家
叫加碼果位人仕...永永遠遠都是Tommy

個個都無限體力

唔係呀，今日上完條梯級，見有路可以再上埋龜頭嶺，Tommy都話今日夠啦唔再加碼。

事實太旱 加少少啫 咁都投訴

記住，投訴嗰啲都係無出現的。