近日天氣不穩，只可改行山線。
女婆山以前都去過，不過今次由沙田醫院果邊上。火車到沙田站，轉67K小巴經沙田醫院上到突破青年村落車入山路。昨晚仍然有雨，今日山路特別跣，要用好多力去平衡，加上上山無風，汗流不住。轉頭仲同Daimen講佢今日著對「快艇」行呢D路啱晒。
好不容易上到女婆山，望過對面仲有好高嘅水牛山要上。落女婆坳再上水牛，行左無耐已被草界傷手指。再上，因為草長睇唔到路，幾次大跣幾乎仆直。
上到水牛頂，大家水已差不多耗盡，唯有用最舒服嘅路線離開。落打瀉油坳，再落三塊田出白沙灣，但路亦並不好走，幾次跣腳都幾乎瞓直，雖無大礙，但手腳都已見紅。走到出大路，Daimen都已水盡。

P.S. 今日雖然係山線，但似乎著「快艇」更加適合

我都被蟻咬到出血

好彩今日穿"快艇"，唔係就會跣直。

咁嘅環境，跣到拍拍聲，用多一偣力。我覺得休漁期結束前都唔應該操山。

點解用休漁期就指標

休漁期大約9月結束嘛，操完山又可以吃渇。

你地大熱天時咁行, 仲唔係操山, 預備比賽

網主尋日又失蹤, 硬係辦緊大事.

日日唔夠瞓, 邊有精神行山呀
1日2餐都係係屋苑旁的商場搞掂, 同埋搭地鐵去調景嶺, 有幾大事辦緊

做左宅男添