依然酷熱,依然行澗,阿德又有空出席,真好。今次係聞已久但未行過嘅猴塘溪,因為一般認為呢條新手級別嘅澗,所以無特別留意。
澗道入口非常方便,西貢大灘落車,行入少少橋底位就到。下游因為近民居,水質唔算太好,所以淨行唔落水。雖然好熱,但見水唔玩得。
過咗海下路水閘之後,進入中游段開始有大潭,但第一個潭(死過人嗰個)有班外籍細路玩緊,所以我地轉上第二個潭浸水降溫、食生果。
跟住再上,無耐就去到呢條澗被受熟悉嘅鐵梯位;再上的一個大潭正遇一班「玉蒲團」嬉水,我地見上面暫未見有大潭,所以都落水,食西瓜。
玩完水離開,「玉蒲團」亦離開,不過好快就唔見頭燈。直去到最後一個大潭—扇子潭「猴塘」,點都要再浸一浸。呢個潭比上兩處好,係菁苔比較少,唔會一踩落去就變得混濁。玩完再上無幾耐就到出澗位,左轉上郊遊徑。因為玩得比較晏,所以用最短距離離開。