下星期比賽，今日諗住輕鬆D行吓。見「群山」出隊行雙鼠棧道，之前都有研究過呢條路線，所以跟得過。
9點東涌出發，起步有成50人，經石門甲、十方道場上羅漢塔。好耐以前行過呢條路，但都無咩印象原來係咁斜，不過今次重點係留意北天門。慢慢踩上去，但大多數人無上塔，因為今日條路都幾跣。
繞過羅漢塔背面就係羅漢峽，可以下降到石河再上北天門。我地繼續上凰峰、鳳峰，在山頂等後隊等咗成粒鐘，吹到凍晒。最後向伯公坳方向落，由茶壺咀脊落雙鼠棧道的只有十幾人。
首先見到係積木崖，由脊位接上棧道，經過積木崖底石河，望上去就係擎天峽，同天窗峽。繞過積木崖走一段就鼠尾石，穿過鼠尾石前行再回望就見卡通鼠石。前行不遠攀過一石堆，下面就係刀片石（剃刀石），但要走到鳳喙峽回望至成形。最後攀上鳳喙峽，繞過「小鳥回頭」上接鳳徑落昂坪。我地脫從東昂古道落東涌，途經北天門澗入口—檀渡橋。
p.s. 可惜miss咗「錦鼠觀天」

你地既"輕鬆D行", 都好甘, 只係相對Daimen今日行毅行後段50km就叫輕鬆囉

其實係上羅漢塔一段比較辛苦，同埋無多帶糧水，攪到尾後肚餓又口渴。