上年雷利苦主事件後等咗1年，今年卒之有得玩。為o左想早小小起步，今年轉o左精英組8:00起步，仲有Edmund加入，又有Bean sir一路陪行真高興。同時起步既仲有小強同Kenny隊。

一起步，因為係石屎路同落斜，大部份人都搶前，我地就慢跑落，因為太快都幾傷膝。08:33到紫崗橋，上紫羅蘭山時已開始追人。過CP1，上小馬山時隊伍間已拉開距離。10:18到鰂魚涌有汽水壽司補給，在行去地鐵站的一段路上完成1 pack壽司，1 pack帶在身上。

10:33油塘出閘，CP2（油塘澳景路）埋站時間11:04，已比原定時間快26分鐘，可能係早上陰天有風及撘地鐵順暢所至。到CP3（井欄樹）仍然有20分鐘優勢，但過大藍湖一段山路就開始體驗到賽道的主要障礙—積水泥濘、石跣路滑。12:25到大藍湖，但竟然出猛太陽，所以上東洋山時決定收一收慢，13:07到基維爾。落沙田坳時要留貨慢跑，13:38到CP4，尚有12分鐘優勢。

因為Edmund近月感冒而影響身體機能，所以引水道段主要都係行，留一留貨。出到大埔道，Bean sir亦功成身退，感激佢令到前半段路變得有趣。15:05到達CP5（大埔道），優勢亦隨之消失。16:12到CP6（城門水塘）。往後既水塘路都無跑，17:51到鉛礦凹。落元墩下時Edmund膝患似乎變得  重。18:33到CP7（元墩下），慎重巧慮下，Edmund都決定唔再繼續（換轉係我都會做同一樣決定，身體健康係最重要）。

落到路口，Edmund上的士，我地就繼續。用35分鐘過太和，Edmund同太太support我地。到九龍坑山山腳都有好多人support，夜晚清涼上九龍坑山非常舒服，同日間差好遠，21:19到CP8（鶴藪）。上屏風山時腳無咩酸，感覺速度都幾快，23:35到SCP2（仙姑峰）。以為一切困難已過，但好戲在後頭，橫七古道路況非常惡劣，積水泥漿處處是、石跣路滑段段有，好似行極都唔完。突然見到路標指示左轉，過尤德亭，出路馬路，但落斜都無喪跑，驚有乳酸積聚。最後16hr58min完成，做到17小時內滿意成績。

p.s. 衝終點時無燈光照明（後來開發電機至有射燈），熱水要等（所以食唔到自備杯麵），無咩食物供應（後來至拎出來），有D缺失。但深宵小巴安排出粉嶺要讚，其他check point都OK（其實主要係攞水同蕉，亦停留唔耐）

經常要跑, 又邊行邊食, 太犀利, 名次應該好好啦

其實中段都無咩點跑，坐低既時間加埋都無10分鐘。
名次都無巧慮過，始終都係精英組，同埋今年好多高手落場，用參賽者人數比例計算係多。

你地知唔知規矩架, 一個退出, 要一個隊員陪離開, 只剩下一個隊員係唔俾行, 所以你地已經全隊quit

我地在元墩下已同負責人講過，佢地請示過，話我地可以當隊員中途退出，送o左佢落山之後我地再繼續（我地直頭送埋佢上的士走添）。

简直系宇宙最强呀！
希望Edmund膝头没大碍，快D好返！

每次見工作人員高調咁大魚大用, 係咁話好好味, 我地就係度乾哽, 無晒心情啦, 好心食都受受埋啦

無，無最強呢回事，最強果D在我地前面。

我都話你對住高膽野就實食得落ga la。

thx  for your encouragement and care

我係因為病左接近一个月 , 期间幾乎沒有訓練 , 所以昨日砌到沙田坳道時已经覺得好盡 , 而打後既引水道 + 城门水塘真係有心無力 ,

第二 , 由於 K 數少到近乎冇 , 及太耐冇郁 , 一下子肌肉及关節根本负荷唔到咁長途及咁長时间的煎敖 , 所以只能不断逐步逐步捱落去 ,
我落山的苦況 , 隊友是有眼見的 ...

我玩了比賽好多年 , 絕大部份都備戰十足 , 避免賽前有伤有病 , 但今次雷利我失手了 , 在狀態不足下落場 , 我一早巳有最壞打算 ,
當捱到某個警戒線 , 身体對我發出警號 , 叫我停低 , 我便要明智地 quit  , 以免傷勢惡化 / 本來唔係伤都變左真伤 , 咁代價咪仲大 ...

幸好 , 我昨晚回家途中 , 回家後 , 及今日 , 都再设有昨日的关節痛及行动不自如等情況 , 所以問題应该只係近期太少运动 ,
而身体顶唔到咁長姐 , 慢慢逐少練返囉 , 人生梗有起跌 , 冇可能全天候 top fit

agree with you CK , 我在城门 CP 見佢地 d 食物豐富好多 , 好似明玩野咁 lor

以前做雷利既義工, 只係一盒燒味盒, 簡簡單單.

不過今次唔多係義工, 應該係長期既工作人員, 先會咁樣開爐煮食, 仲玩得好開心

一定有,系我心目中你地就系最強!!

你真系一個自律既人!! agree with you, 留得青山在, 大把比賽可以慢慢玩, 最緊要唔受傷.
遲D KOTH見啦!(你上次西貢段好快呀!!)

咦 , 乜你原來都有跑上季 KOTH 呀 , 幾好玩吖

如果情況係咁就易攪好多，好在襯傷勢惡化前停止。等病好再稍加操練就可以上番。

见笑见笑我系入门新手，上季西贡跑半程，全场第十名.........倒数个只=P. 希望年年都可以有进步！

你心諗好啦，唔好同人講呀，我地會無地自容。
玩o左山賽之後，人會變得謙卑，因為：「一山還有一山高，強中自有強中手」。

答左咁多野架啦
今次都有幾好的體驗呀. 有人講雷利搞得好差喎. 不過我覺得都幾好. 人少少無塞人.

出左片啦.
http://www.youtube.com/watch?v=wuoXbXZevjY

好片

正
跑山赛跑到入市区，仲搭埋地铁，感觉一定好特别。

其实我都系甘既意思。最强意思系无论之前成绩有几好，你地都保持谦虚，keep住追求进步。呢样系我最佩服既

始終未係到爭獎項級數，我地目標都係同你一樣：「挑戰自己」，所以落場你同我都無咩分別。

成績出咗喇。

http://www.raleigh.org.hk/wilsontrail/results_2011_big5.php

16:59

如果你地兩個玩混合組, 就拿個第5啦

都無所謂啦，結果都係得張cert啫。

大會相片出咗喇！