樂善盃已經係越來越難玩的比賽，啲人越來越快，加上好多跑會的人參加，開段唔夠佢哋快，但入山路又被塞住過唔到，最後跑去終點又被佢哋放甩。

今次落場都係患得患失，延續咗毅行前的感冒鼻水問題，臨比賽前4日都睇多次醫生，但落場前病況依然。天番起北風，氣溫只有8度，只係驚病情惡化。

因為唔係種籽選手，所以在在起步區霸好頭位，但被被躡躡吓前面都多咗行人。起步時最混亂，司儀唔知點解提早倒數，剛啱又有部巴士停在起步區，比賽就在混亂開始。人人躡位搶頭不在話下，想加速都無位比你走。入郊遊徑例牌塞人，落赤徑至有啲空檔，上大浪凹都係唔好急。見到Tommy攞咗支水，睇睇表9:53，再砌蚺蛇，幾段崎嶇上山路估計都可以執幾十人。

落蚺蛇依然要承受跑快但山路慢的人嘅困擾，一見闊路就盡量執人，米粉頂、東灣山都執二、三十人。去到回程相交位，見前面的回程選手。再執多幾個人，正直係平路，前面未追到，後面的又未趕到，心情悄為鬆懈，點知就出事—「右腳拗柴」，仲要係好應，唔係話踏兩吓地就可以攪掂嗰隻。個心當堂涼咗半截，一半路程都未夠，都要跑返去㗎，唯有小心啲慢啲就住跑。

一路上都有食隨身帶的壽司，出到長咀約11:00，跟住上山。須然拗柴，但上山可用大腿四頭肌，仍然有貨仲可以執人。回程落東灣路段無上年咁塞人，但落山時要就住，跑沙灘都無人咁快，唯有死狗地跑。東灣過大灣，諗住過埋呢段就無崎嶇山路，點知臨落大灣前50米再拗一次，大叫咗出來。後面兩個人問係咪「抽」，我話「拗」，真係痛到入心，最驚仲係唔知返唔返到去，見後面無人嚟緊就拐住落沙灘。

一出沙灘，「群山」的support就叫：「751呢邊！」埋去攞咗支水。好在跟住係長長的沙灘比較軟，雖然比人執，但試住慢慢跑都可以跑到尾，上個小山丘都有啲人要捽腳，執番佢轉頭。落到咸田，Tommy support可樂，正！沙灘慢跑，但上山見自己有貨又唔怕觸及傷患反而可以加速去執人，所往後策略都係上山就去，落斜就normal地jog。

西灣上山前見到Paul，問我要唔要水，我就話夠，跟住就上山都過咗好多人。吹風坳出西灣亭，落斜跑，上暗斜都跑，大斜就行。到check point淨係要兩條蕉就走人，睇睇表係12:24，估計都仲有機會PB，所以都唔打算留貨，上斜都照跑吓行吓，唯獨是落斜時右腳傷患處痛就跑唔得快。出到萬宜坳睇表係12:49，估計到終點都應該唔使10分鐘，PB有望便喪跑，跑到返終點回頭一望..........又係4個鐘，名次304。都覺有啲奇怪，事後至知原來早咗幾分鐘起，自己又無睇表。不過傷成咁返來同上年一樣時間都算執身彩。

即時攞番行李，坐低食番碗麵，小強4hr18min到，JoJo 4hr22min到，跟住Tommy都返到，最後Daimen 4hr4xmin都返到。即場驗傷，未除鞋都已見到腳眼位腫到雞蛋咁，都唔好話跑，連行都有問題，即時用冰凍罐裝可樂冰鎮至可以起身.............今次又重創！

p.s. 因為無帶相機，所以相片只能在網上尋找

我就係在米粉頂初段俾你執起既其中一個啦

我係米粉頂同東灣過大灣之間既石堆上山位, 至少被3~40人執走

你今次Level左, 即是小七隊全體成員都無差過上屆啦

今年後段有貨，但可惜派唔到。如果唔拗柴，估計可以快10分鐘。

天氣好, 落場比賽的心情完全不同. 今次樂善抱什麼心態玩好呢?

上年已經儲夠4年背囊, 特別版12新肖背囊兩年後唾手可得, 而且女參賽者, 6粒鐘返,不嬲都有背囊啦. 只不過,過唔過到 自己果關

本來猶豫帶相機, 最後都係想hea hea 行行 跑跑 又影影. 橫點某些路段都係塞人. 影下人都好呀.

明知成3千5人一齊起步, 一有閃失,p左k, 就人踏人. 但每年起步都係用 “亂”字來形容. 今次仲亂上加亂,一邊倒數, 一邊有工作人員話 “未得,未得” 那即係點? 混亂之際. 有人已起了步, 我又死蠢, 明明排係前排卻猶豫左陣才急急起步.

比上年跑快左啦. 但始終到郊遊徑塞人. 不過都比上年好些. 1小時大浪坳見Tommy. 又排隊上蚺蛇, 落山執了幾個女子. 出長咀, 大風吹到人都癲.

跟隊去東灣, 左足弓居然有痛, 反而近日膝痛無事. 大灣有機會跑下,鹹田見番Tommy support, 急急拿了支cola 又跑下. 過大浪西的小山食埋包power gel有氣有力.執左幾個人

上西灣山前, 見到保羅兄, 好有心情同佢合照一張. 之後全部石屎路, 足弓位無咁痛. 見有得跑就跑下. 之前想跑都難. 尾段跑得好爽下. 睇睇錶, 今次有得做PB. 又一點都唔辛苦. 差唔多終點, 見到Curry 媽背影. 用d勁跑前去拉起她的手 “快d” , 好有衝線feel到終點了.

今年好滿意啦

2011   4小時 22分  女子37名.  
2010   4小時 35分  女子45名
2009   4小時 55分  女子58名
2008   4小時 44分  女子56名
2007   4小時 46分  女子60名
2006   5小時 07分  女子110名
2005   5 小時10分  女子74 名
2004   5 小時 33分  女子64名

"hea hea 行行" 都時間BP, 兼名次BP, 一字記之曰"勁"

上長咀頂, 好大風, 我都吹到跌一跌

好少見你出動power gel喎, 開始要更專業去比賽了

都係天氣好之麻. 無咁多出汗. 消耗唔多.  上西灣前肚仔餓, 6粒壽司已經食完, 就隊多包power gel. 水又唔可以飲多, 因為急左泡尿好耐

貼番張有feel 的衝線相先 !

少量相片！

最尾果張相大文豪個樣唔同左ge

246當時都死吓死吓啦

初時見到張相都有小許懷疑，但睇No.又真係246！

加相！

見我入直路個樣幾牽強, 比後面個位仁兄越追越近, 在最後左轉入終點的轉彎位, 佢係外檔超我, 臨入終點線時, 半米左右, 我在內線切入, 手快, 拿名次牌, 如果係最後一張, 就可能打交了

話明林生咬柴, 無理由唔加呢張相架

比個Like你呀，林太

一隻豬腳咁，依家瘀血散上小腿添，都唔知幾時至好得番晒。

二月仲有兩個比賽
一月第二個星期最好開始操番起
所以... e+ 要好勤力做治療.. 不容忽視

比賽當練習啦, 唔洗練咁多喎, 跟我個練習時間表啦

知你醒喇唔練都咁好成績

Agree! 渣馬頭其練幾課落場就跑到. 佢練多d就撓飛
我地就死練爛練.

加相！

仲有相@米粉頂！