賽事前一星期, 中左招, 一條龍變一條鼻涕蟲. 人傳人, 林生又出事.

星期六痊癒不果, 沒法, 準備行裝出發, 明明差好電池, 但去到才知電池失靈. 索性唔帶相機.  臨時用林生果部影影影.

已經BAD LUCK. 起步又以為按左計時,原來又沒有. 發覺時已經起左步到上到郊遊徑.  成朝失失魂魂.   
差不多到鹹田灣CP1 (無踏板計), 大文豪殺到. 追截到我地, 見到原班人馬十仆. 居然炒飯比人搶晒. 頭其拿番些繼續起步.  大灣入赤徑, 見到長腳BERENICE 十仆一齊影下相, 乘機揣擾一番.

赤徑時, 健兒甲問我 “ 今年做幾多target”
我答 “18”, 我繼續答 “你識我架?”
健兒甲 “睇過你個video, 認得你個紅色袋”.  全靠條片, 我同林生越來越出名 lu

不久, 大文豪去無蹤影. 但前後腳相遇於黃石CP2及海下CP3 , 在海下CP3時, 我終於拿到炒飯入袋, 袋住走.  之後三人各行各路. 差不多到溶樹CP 4, 追截番大文豪, 還在這個CP 食第一個碗麵! 沖完電, 甩左大文豪.

上雞公時, 兩小腿好像想抽.  放慢, 落山時鬆番對腳. 由落雞公開始, 就同一位女子展開crossover 直至上針山甩左佢.

到水浪窩CP5,  一班靚女十仆蜂擁而上. 好熱情招呼及打點, 差點應接不暇.

頭50k , 那頸圍巾內塞滿好幾張重用再重用的鼻涕濕紙巾. 原來這個方法好好用又方便.

雖然有靚女服侍, 但不宜久坐攤涼副偈, 又要起步, 才完成一半路, 尾半又那麼多上落. 參賽者往往做大左就係前50k , 尾段無貨.

沿途, 尚有我界人, 人界我. 到基維爾CP6時, 天剛黑齊. 衝入麥五的陰森樹蔭內. 是我第一次感受一個人在黑夜獨行. 視線四處無人. 但感覺總有人在不遠處. 偶然間會見到前方有燈. 加快點腳步還可追近.

落沙田坳去第三次WC後上獅山, 漸漸好享受獨行這種感覺, 喜歡行自己pacing. 到畢架CP7, 像上年一樣, 班鬼仔義工開大了音樂, 好有氣氛.  .

到城門, 遇見Ron 做十仆, 無預期有樽暖胃粥送過我食. 過了城門CP8, 針草帽平時就是我後花園. 但行到尾聲, 這絕不是好受.

開始刮風, 落針山後穿起風褸. 大腿開始有點酸. 落草唔自然. 到鉛礦坳, 原來身上只得一包power gel 係上針時食左, 又沒有胃口係铅礦坳食麵, 因為d 水唔夠熱,麵越來越差勁,  只得硬梗埋條soy joy. 起步上帽無力.  盤算做16.5 鐘無望, 慢慢踱上.

臨尾上波頂那條長命斜,  又大風又大霧, 只係望住車路條白線跑落荃錦坳.

總算17hr 08mins PB 超標完成.


http://www.youtube.com/watch?v=71MCgmEjjpw  有MOVIE 出啦

	累積
東霸	1:27
CP2 黃石	4:02
CP3 海下	5:16
CP5 水浪窩	7:55
CP6 基維爾	10:34
CP7 畢架	12:11
CP8 城門	13:40
CP9 铅礦	15:14
終點	17:08

哈哈哈，原来条颈巾系甘用ge........

嘻... 你都試下