無呀呀林生有興趣行夜山, 搞到我心癢癢, 狀態唔係好最多唔跑遮. 5時出發, 搭得車到北潭坳都7時幾. 同車, 也有兩個男人都係由第三段起行.

打完咭起步, 未到嶂上, 追番兩個男人, 天已黑齊, 有番点人氣都好, 不過, 一上山, 那兩位就追不來. 開著TNF時那架收音機. 都好過靜英英.

麥三路況好惡劣, 滿腳泥濘, 到水浪有三個人, 但又唔似操山, 補給完, 還未見兩個人兄到. 那我地又開始起行.

上馬鞍前, 迎面遇上成GROUP背囊友過來. 馬鞍坳, 月開始落, 還見到幾棵光亮繁星, 之後又一直冷冷清清到芧坪遇上四個人休息.

基維爾澗邊那張野餐卓, 那麼晚還有人. 大老山前的陰道, 好多綠色營火蟲, 又鬼異又靚. 落沙田坳道已零晨2点幾, 沒有補給,

休息下換下電就起行. 再衝入黑夜. 遠處望見驟雨, 近市區, 收音機收得特別好. 這邊的路又是泥濘, 水揼.

到大埔道, 開始肚餓. 係水機補給完, 大家都想城門閃了. 零晨4点幾, 已見公公婆婆晨運, 落到荃灣綠楊都開始日出.


夜行, 避過了白天酷熱, 但通頂又幾傷身.

約44K 10HRS