今日市區得12度, 西貢得番8度, 我地又人丁單薄, Tommy變得好寂寞, 皆因無左小強比佢鬧。
是日西貢西上落大波幅南北縱走, 10點06分起步, 由北潭涌直指向北, 經太墩, 雷打石山, 嶂上, 石屋山至南山洞為止, 出白沙澳落海下。 全程約12k, 有高清的西貢海風光, 有近日人人談論的V型反彈(不過係上山), 有麥徑的大明大路, 有石屋山上的刺骨寒風
, 仲有不經意的剷林項目, 最後遺憾地上不到擔柴山。
有人不發一言, 有人投訴已後都吾玩剷林, 有人剷林未脫困就已經話要上擔柴山, 有人左右做人難, 有人重過個人(比樹藤鉤住), 有人人吾似人, 有人想柄人, 有人吾見左人(小強, daimen吾見人)…………………..卒之近三點至出到海下小巴站, 見到條龍長到人疊人。 好彩班次都好密, 5分鐘一班, 等幾個字就上到車出西貢食下午茶。