第一次參加樂善盃, 30公里的賽事, 雖然有1/3係崎嶇山路, 但得知個個參加者都係跑格, 所以我都係第一次以跑裝行/跑山.

原本Target是慢Charles 1小時完成, 但前幾日開始感冒, 昨晚仲食緊藥, 所以set個target係完成到就OK了.

初初都唔係想起步快, 但如果在入山徑之前惰後就無得追, 因為純跑步的選手在頭1km會搶先到山徑, 一來山徑就比起步時窄剩1/10, 兼且有不少純跑步的選手在山路會慢好多, 山路係我地唯一增取時間的地方呢, 所以要快些上山徑.

雖然我在後排起步, 但都盡力在入山徑時走到中游位置. 上到山徑, 你想快唔得, 因為前面都是人, 你想慢亦難, 因為後面緊貼, 坐晒包廂.

入山徑之後, 基本上前前後後都係個幾個.

由於天氣清涼, 原定Diamen在大浪坳support一支寶礦力都可以免, 兼且放底埋飲半支的葡萄適, 就上住蚺蛇尖去了.

上蚺蛇下蚺蛇, 山路特別崎嶇, 又出現排隊現象, 可以快的地方無得快了.

出長咀其間都聽到有不少人見紅, 可能因為塞人, 行山快的人想過頭而出事; 亦可能唔行山開山的快跑者馬步不穩而出事.

出完長咀, 回程時人較疏, 但好多山徑都只可以1人行, 因此亦不能快.

鹹田灣, 第2個Diamen做support的位置, 我原本只想要回半支葡萄適及一個漢堡包, 但現場亦是Check Point位, 氣氛熱烈, 所以Diamen悟會我意思, 俾左半支葡萄適及寶礦力給我就趕我快行, 當時我以為唔通買不到漢堡包?

因為最後路後係跑馬路, 所以由鹹田灣至西灣都係純行, 唔跑, 儲好能量作最後一跑.

由吹筒坳至終點北潭涌, 大約8公里, 在吹筒坳見到阿德在做support, 問一問時間, 12:45, 計一計, 只要1小時15分完成埋8公里的馬路就可以5小時之內完全呢.

見上斜路就行, 見下斜路就跑, 但中途都俾後段全程跑的人過了不少.

到最後1公里, 回望就見到Jojo趕至, 最後1公里就全跑, 到終點, 快Jojo 1分鐘, 慢Charles 34分鐘. 做到原本Target.

完成時間為4小時43分

全部相片: http://www.hellokeung.com/gallery/photo_n199/
.

北潭涌集合	先放好行李
有很多團體參加	有很多團體參加
等起步	起點線
前望真係好多人	蚺蛇尖都要排隊上
長咀CheckPoint好有睇頭	長咀頂脊
大灣	最後的西灣路, 個個都係咁跑
最後500米, 被Jojo趕至	真係多獎盃, 不過得個睇

.
全部相片: http://www.hellokeung.com/gallery/photo_n199/

打完後記, 發覺發燒, 剛訓左2個鐘

同埋醒返先留意兩個腳腕扭傷左

發燒, 底你ge,我俾水你又唔愛等我還背得咁辛苦

六名參與西貢    慈善行山活動的男女途中先後不適或跌傷，由直升機送院。

送院的是五男一女，年齡由14至51歲，包括有一人頭部受傷。

今回樂善杯,d 人 p 得咁激 唔單只親眼目睹有人跌到頭破血流,回家睇now TV新閒,報導米粉咀有5男1女pk.

我在近米粉頂都見有個碌左幾個筋斗, 佢又好似無乜事, 立即起到身再行


回復 #3 daimen 的帖子

俾水我, 我之前都無無話個要水, 反而無左個漢堡包

隊員"唔夠衫"(593)報導,今屆樂善杯有3500人玩,近呢兩三年,年年都激,一齊起步時,爭位鬆"肘"樣樣有. 大部份的人玩得咁激一係做時間, 一係要贏背囊. 加上好底玩,又唔使煩惱籌錢添

天氣不錯,風好涼. 又有Daimen 做支援,所以跑起來,不覺辛苦. 只係臨尾右大腿抽抽地. 不過時間無咩點快,比上年快1,2分鐘,名次早4名.(4:44 女子組56名) 即係話一是我已經到極限,一係賴塞人浪費了好多時間

第一次參與的小強,成績唔差. 一早同Charles估到佢無可能遲1小時. 行澗平衡力咁好, 上落蚺蛇應該無問題.

阿德都有來做支援,不過年年主要做兩位姊妹的支援.

回來無恙,都係拾番身彩. 見到Eudia爸爸係終點站由一早做幫手到依家,真唔話得,從言談中,世伯好nice,又想起自己老爸...

發燒係咪今日曬得多呀. 一陣無事ge!

想想下,真是冇支援你
在大浪坳,你交左比我半瓶ge葡萄適,你又唔拿個支500ml寶礦力.
在鹹田灣,就比回半瓶葡萄適和給你個支500ml寶礦力.
最後你還說,因為冇力,飲左小小寶礦力,就拋棄了

咁,實質對你的支援,就是幫你拿個支葡萄適,由大浪坳至鹹田灣.
真真冇陰功

ps. 唔比你麥當勞最平個隻漢堡麭, 是唔想你食住走(引述自email內容),
會好傷腸胃.為你好,到終點才給你.哈哈

你地好似交換禮物,換來換去.

一年一度的樂善盃，係所有比賽中競爭最激烈，因為有超過三千人參加，係高手較量ge樂園。我地呢D二打六悲微ge願望就只係想嬴個背囊，真係未出發先興奮。
今年並無名次上目標，只係希望時間做到四小時內，尤其是今年多左Daimen在大浪坳同咸田灣做support。
起步前，大會話今年有3500人參加，即係多過上年400人，競爭更激烈，所以男子公開組背囊數目亦增至好似係450名。今年氣溫較上年涼，起步排位亦較好，係做時間良機。但可惜感冒鼻水由五十公里比賽到依家都未清，早兩日行街又機乎拗柴，實在令人擔心。
雞聲一響，感覺真係好多人搶位，連攝位ge機會都唔多，仲有人跌倒。進入山路簡直係惡夢，好幾次塞人塞到停晒，估計係有人爆出去搶位但入山路技能較弱所以塞人，直至出返馬路至有改善。開段起跑唔錯，無氣喘、無腳軟，本來諗住時間會幾好，但上到大浪坳時較上年慢左5分鐘。見到Daimen同阿德，support左一支水。
上蚺蛇仍然塞人，不過無打算加速，所以都只係跟住。上到蚺蛇CP1，之後係落山段，不過好多以住可以跑的路段都被都被塞至慢流，咁樣ge情況在出長咀一段經常出現，結果自己最強一環被未能追回失去ge時間。11:18到達長咀CP2，無飲水就走，但不久就聽到話有人受傷，相信咁激烈ge比賽，有意外一D都唔出奇。由長咀轉回東灣，阻塞現象改善。大浪四灣係跑會ge世界，佢地話過就過全無阻滯。咸田灣CP3，Diamen正在等候，感覺個胃仍有野消化，所以只係拎左一支水就走，無要汽水同漢堡包。見腳無抽筋，所以大浪四灣都有跑，不過好慢，去到西灣上山就一定慢行，好彩尚未引至抽筋。到吹筒坳重遇阿德，佢問我要唔要水，要唔要加糖，我諗仲有1K就到check point，所以都話唔使。
到CP4西灣亭只係要左隻蕉就走，睇睇錶都已經12:33，以現有狀態要在四小時內完成都無咩可能，唯有盡力而為。
到CP5萬宜坳已是12:59，目標唯有換成keep住上年成績。落斜喪跑，但都被幾個快馬過頭，右大腿開始想抽，但都頂住。到最後上斜都要扮輕鬆完成。

成績同上年一樣：4hr06min，311名完成。

P.S. 今早右足踝位有微腫，可能係前晚機乎拗柴做成。

用33分鐘完成最後6km好快遮

係呀，我自己都覺得快左好多。以往跑都未到CP5，仲比十幾廿人過頭，但今次只係幾個人過頭，自己仲可以過番前邊D人。大斜急行，暗斜照跑，好快見到CP5，但為時已晚，唔使多，我只係想快多6分鐘，名次都無咩所謂，可惜前段塞人阻左好多時間。
呢度要特別鳴謝Diamen的support，需然只係兩支水（未計買左無食ge漢堡包或健康飲品），但意義重大。感覺可以零負重或低負重，加上中途增加能量ge support，要縮減6分鐘並不困難。

每人兩支水,都好重呀. 仲要跑落赤徑添. 真係唔該晒

support, 最大既意義就係有個中途目標, 知道有人等緊你, 唔會行到盲目左, 去到目的地時會輕鬆d,而且有相影 所以要盡力保持狀態上鏡

嘩，support遮，咩你會諗咁多野出來我都無諗咁多，淨係只顧跑。

多謝!多謝各位鄉親父老
小強,如果有需要,而你又想快六分鐘和你又食得落隔夜漢堡麭,
下年我在鹹田灣俾個最底價ge BurgerKing 你呀下

回復 #13 jojo 的帖子
因為遲到,才要跑
好彩早過頭位2828兩分鐘到大浪坳,
如果唔係,就

連番努力，卒之搵到些少比賽時候的相。好彩著紅色衫，主要都係為左搏上鏡，同埋搵相時容易發現自己。

卒之搵到士地ge比賽相喇。