深圳只去過梧桐山, 塘朗山, 今次PLAN 去深圳第三高梅沙尖. 搭青衣早第二班車出發, 約大隻丹九龍塘地鐵站, 到深圳地鐵由羅湖坐到鹽田都好遠下. 8:30am 上山, 有太陽都幾熱, 梅沙尖有700幾米, 石屎路, 深圳人上山文化鼎盛, 一家大細都攻頂. 落山後, 原本找路上梧桐, 不過一大段平路後, 指示牌又唔清晰, 橫左梧桐山, 全平路出.

到梧桐山出口, 尚有大把時間, 諗住8-9K行去梧桐山南站, 點知像入左結界兜仙湖出返起點. 無可奈何, 打的出去布心地鐵,再轉去南油站, 路途遙遠, MEMEMOMO 都搞到7:30PM 餓到一個點, 到南油食東北燒烤 (你瞅啥東北燒烤). BENNY 同女友都到. 地道美食又平又好味.

好耐無食羊肉串, 羊架, 羊腰, 大塊朵頤, 大隻丹,BENNY 食蠶繭. 連普通的炒米粉, 炒飯都各兩碟, 炒得好夠鍋氣. 每人都係155 人仔.

食完都近10點, 附近搵左間莫泰酒店(人仔$318) 休息!
第二日早8:30AM 大堂等, 行去食地道早餐, 最愛食即叫即蒸腸粉, 8-12蚊碟, 仲有湯米粉, 油條, 煎堆, 粟米, 豆漿. (全部80+蚊)

食完上南山約300爬升, 沿途WC 都好正, 短短地一個山頭, 再行去文天祥公園, 都係一個小山包, 有200爬升, 加加埋600爬升10+K都玩到下午1:30, 岩岩好消化左早餐, 再地鐡去南油食酸菜魚, 水煮魚, 兩大盤, 各唔使100蚊人仔. 埋單每人133 人仔.

玩的時間特別過的快樂, 係時候返香港, 今次美食團平靚正!
相片描述
1.        鹽田起步
2.        沿樓梯過
3.        三洲塘水庫
4.        三洲塘水庫
5.        三洲塘水庫倒影
6.        遠望梅沙尖 (700M+爬升)
7.        向梅沙尖進發
8.        尖頂
9.        落山
10.        接平路
11.        接平路
12.        譚仙廟
13.        環仙湖
14.        晚飯(你瞅啥東北燒烤)
15.        羊腰 (正!!!)
16.        烤蠔 (正!!!)
17.        蠶繭
18.        食蠶繭
19.        第二日早酒店門外
20.        地道早餐(最愛即叫即蒸腸粉)
21.        起步南山
22.        南山  
23.        文天祥公園 (200M+爬升)
24.        午餐(老壇酸菜魚) ~ 酸菜魚一大盤
25.        水煮酸菜魚一大盤
26.        湖南米粑粑 (好味推界)