哈囉~強 - Powered by Discuz! Board

標題: 地質公園,萬宜主壩至白腊 2011/03/13 [打印本頁]

作者: Hello Keung 時間: 2011-3-13 17:03 標題: 地質公園,萬宜主壩至白腊 2011/03/13

原本今日行程係橫越糧船灣, 即由萬宜東壩(主壩)去到萬宜西壩.

早知都幾耗體力, 所以起點及終點都預算乘的士, 純玩地質公園, 可惜各人在開始時已玩到無晒力, 路線一cut再cut, 盡快撤離.

之前玩毅行同郊遊, 在萬宜東壩上就行得多, 每次都遠眺路傍的六角石柱及下面既弱波堤, 今次就第一次落去玩.

這些六角石柱是由一億四千萬年(白堊紀)前的玄武岩由火山噴出再慢慢冷卻而成, 又其中因地殼變動而扭曲的六角石柱更為特別.

由於要阻擋太平洋強勁的浪, 萬宜東壩有主壩及臨海的副壩(弱波堤), 中間多了緩衝區, 所以好穩固.

在弱波堤內的圓洞及錨形石上上落落, 玩呎一個鐘, 比預期耐, 之後上回主壩過花山, 由花山東面山腰出破邊洲.

由於大路一條, 以為順行, 首尾相差太遠, 一不留神, 呀德及呀九行失了, 我地行到睇破邊洲,

初時以前佢地影相遲, 但望住個分叉路口都唔見佢地, 所以行返轉頭, 見佢地係無行到分叉路口就穿過了花山南面山徑, 原來佢地加插了剷林路線.

呀德及呀九行就miss左破邊洲了.

有人體力下降有人叫肚餓, 我又有點眼訓, 所以無出木棉洞, 直往白腊速逃.

路線: 萬宜主壩 -> 副壩 -> 萬宜主壩 -> 花山 -> 破邊洲 -> 花山 -> 白腊仔 -> 白腊 (5.5km, 4小時)

全部相片: http://www.hellokeung.com/gallery/photo_n316
.