哈囉~強 - Powered by Discuz! Board

標題: 獨占! 萬丈九曲 2007/10/07 [打印本頁]

作者: Hello Keung 時間: 2007-10-7 20:38 標題: 獨占! 萬丈九曲 2007/10/07

早上9點去到東涌, 眼見過百人兼身穿行山行澗衣服, 由地鐵站擁向巴士站, 即時打個特, 唔通今日行澗要排住隊同人迫住玩水?

原來! 好多人都只是乘貝澳方向車, 即使乘大澳方向車的人, 在到大澳前都落得七七八八, 而起行時, 並無其他人往山徑方向行.

到達二澳橋, 見橋底有好多5~6吋長的魚, 可惜無工具捉魚, 否則, 大休時可以加多一味了.

今日澗水充足, 溫度又適宜, 行得很舒暢, 亦由於兩個月前才行過今日行程的前半段, 所以初段都是走馬看花, 沒有太多時間停頓及觀嘗風景.

去到空中水塘, 天池, 真好, 一個人都沒有, 我地便立刻走去霸個煮食好位, 然後便去玩水.

水天一色, 游來又游去(當然要維持生命的水泡係身啦!), 想點就點, 又在水中, 食點生果, 簡直是富豪級的享受.

大休的食物都很豐富, 食得飽飽的, 再飲返杯茶, 便繼續前行.

上了萬丈瀑, 不久便到分叉路口, 上次在左邊離澗只完成了萬丈瀑, 今次剛行右邊澗道, 完成埋九曲澗.

明顯地, 九曲澗比之前的澗道窄些, 但一樣是多瀑多潭, 而且水質像是更好. 行到九曲澗著名削壁廊, 細看好像是很普通的一道石壁吧.

澗道越行越窄, 行到只剩下2~3呎的澗道時, 左邊便有指示往山上行, 上行至荒廢了農田, 便接鳳凰徑回大澳了.

今日全程都沒有遇見其他人, 真的是任我行, 任我玩, 盡興.