哈囉~強 - Powered by Discuz! Board

標題: 萬山之王-樂善杯蚺蛇30公里挑戰賽 (4hrs46mins) 2007/12/09 [打印本頁]

作者: jojo 時間: 2007-12-9 22:26 標題: 萬山之王-樂善杯蚺蛇30公里挑戰賽 (4hrs46mins) 2007/12/09

由今屆的樂善杯起,健兒在六屆中奪取其中四屆生肖背囊,將在2012年獲贈特別念版12生肖背囊, 若是團體獲奬貳次或以上,也會繡上團體名稱,以作紀念. 所以吸引左3,500人報名. 人數一年比一年多, 而且聽閒有好多高手落場.頓覺贏背囊的機會好渺茫.

一早食個早飯,起步前又和Charles各人再食多個漢堡包+汽水和蕉.好滿足.做個熱身後,等埋Steven就準備起步.

今年比往年溫暖,幸好大部分時間陰天.

玩樂善,有三難, 第一難,係3,500人一齊起步,真是好恐怖,一定要霸一個有利位置,唔係就好慘.每年例牌跑到窄路北潭郊遊徑時,總是塞人.

係大浪凹,見到阿德,佢做乜,硬係做support啦,不過不是support我地.

無驚無險已上到蚺蛇,不過最精彩就是落蚺蛇,和米粉頂,也是樂善第二難,全部浮沙碎石,好有挑戰性,也是贏跑手的好地方,

而且大部份跑手都是穿跑鞋,哈哈,見佢地心慌慌落山,怕跣,落得很慢.

落山後,己經不是太多人.

出長咀時,咀緊一條朱古力,居然見Charles己經折回向東灣跑,好快.經過四灣都有不少上上落落的地方,當然比起兩個星期前港島徑比賽困難得多.不過這樣才覺得這是行山比賽,起碼靈活不同的肌肉,所以今晚回家,只是有點點酸.

沿途,都見有很多support.唉!短途都有support?!! 驟然覺得我地是似孤兒仔女.

到西灣亭打後的一段石屎路,終點在望,右大腿越來越抽得密,不過都頂得住,斷斷續續都有上斜,下斜時跑.

到最後也是樂善第三難,就是人之將死,仲要跑上斜返傷健樂園!都知道臨尾d人個個都狂奔,被兩三個女子越過,只是為早兩三個名次,但時間都是一樣

終點站,又贏了個背囊,又盡情拿了大會供稱的運動飲料和可樂.還有公仔杯麵,有工作人員煲薑可樂.好好味,所以樂善只是$200入場費,好底玩

聽聞落長咀有一個健兒p.k.,斷左手骨,要由直昇機到場.好慘

而上屆冠軍的賴吉因行錯路,所以被兩位消防贏了

我地三個都先後到達: 我的成績係4:46 hrs,好開心,因為破了歷屆的坐底5小時的紀錄,而且名次是女子60, Charles是4:06hrs; Steven: 5:1x hrs,好彩個個今次都無p.k.

其實樂善是一個大型的行山比賽,會遇見好多相熟的同事和山友.除了年年玩的阿權,還有一個公司同事,有Eudia的爸爸,是大會的秘書.有群山任縱橫的石仔和他的山友,阿Pearl都有參予的.不過我地今次又源慳一面.唯有祈望下年

圖片附件: [公司同事] IMG_4292.jpg (2007-12-9 22:26, 144.91 K) / 該附件被下載次數 531
http://www.hellokeung.com/forum/attachment.php?aid=126

圖片附件: [準備起步] IMG_4298.jpg (2007-12-9 22:26, 305.1 K) / 該附件被下載次數 612
http://www.hellokeung.com/forum/attachment.php?aid=127

圖片附件: [北潭郊遊徑塞人現象] IMG_4299.jpg (2007-12-9 22:26, 169.83 K) / 該附件被下載次數 559
http://www.hellokeung.com/forum/attachment.php?aid=128

圖片附件: [阿德在大浪凹同我影相] IMG_4301.jpg (2007-12-9 22:26, 159.82 K) / 該附件被下載次數 639
http://www.hellokeung.com/forum/attachment.php?aid=129

圖片附件: [我愛的蚺蛇尖,共行三十次之多,今次不上頂,不計算在內] IMG_4304.jpg (2007-12-9 22:26, 72.45 K) / 該附件被下載次數 589
http://www.hellokeung.com/forum/attachment.php?aid=130

圖片附件: [長長人龍] IMG_4306.jpg (2007-12-9 22:26, 84.26 K) / 該附件被下載次數 579
http://www.hellokeung.com/forum/attachment.php?aid=131

圖片附件: [Charles已在長咀折回向東灣跑] IMG_4308.jpg (2007-12-9 22:26, 78.18 K) / 該附件被下載次數 581
http://www.hellokeung.com/forum/attachment.php?aid=132

圖片附件: [長咀checkpoint] IMG_4310.jpg (2007-12-9 22:26, 104.08 K) / 該附件被下載次數 530
http://www.hellokeung.com/forum/attachment.php?aid=133

圖片附件: [鹹田-終點都是CocaCola!] IMG_4314.jpg (2007-12-9 22:26, 118.75 K) / 該附件被下載次數 604
http://www.hellokeung.com/forum/attachment.php?aid=134

圖片附件: [跑上斜衝線的一刻] IMG_0119.jpg (2007-12-9 22:26, 329.46 K) / 該附件被下載次數 563
http://www.hellokeung.com/forum/attachment.php?aid=135

圖片附件: [石仔4:19hrs] IMG_4316.jpg (2007-12-9 22:26, 146.53 K) / 該附件被下載次數 590
http://www.hellokeung.com/forum/attachment.php?aid=136

圖片附件: [Eudia爸爸(左一)和他的朋友] IMG_4317.jpg (2007-12-9 22:26, 141.53 K) / 該附件被下載次數 612
http://www.hellokeung.com/forum/attachment.php?aid=137

圖片附件: [阿德,Charles和我] IMG_4320.jpg (2007-12-9 22:26, 170.96 K) / 該附件被下載次數 625
http://www.hellokeung.com/forum/attachment.php?aid=138

圖片附件: [Steven衝線的一刻] IMG_4322.jpg (2007-12-9 22:26, 187.69 K) / 該附件被下載次數 530
http://www.hellokeung.com/forum/attachment.php?aid=139

圖片附件: [謝左] IMG_4323.jpg (2007-12-9 22:26, 158.83 K) / 該附件被下載次數 537
http://www.hellokeung.com/forum/attachment.php?aid=140

圖片附件: [阿權和我] IMG_4333.jpg (2007-12-9 22:26, 150.42 K) / 該附件被下載次數 564
http://www.hellokeung.com/forum/attachment.php?aid=141

圖片附件: [最top時間一覽表] IMG_4325.jpg (2007-12-9 22:26, 154.04 K) / 該附件被下載次數 603
http://www.hellokeung.com/forum/attachment.php?aid=142

作者: jojo 時間: 2007-12-10 11:59

嘻嘻..我的相片被post 上澳門樂善行相片集

http://www.careactionmacau.com/c ... s3=&newsclass4=

作者: Hello Keung 時間: 2007-12-10 13:50

右起:陳鴻發、理事長馮國康、榮譽會長關潔梅、香港好手阮潔珊及黎鴻健

香港好手

, 渣住個買(食送)袋果個?!

作者: jojo 時間: 2007-12-10 14:26

哈哈..入面有好多戰利品,可樂,運動飲料兼背囊,死都肯放底

作者: Jess 時間: 2007-12-10 15:19

嘩! 好犀利呀! 好一個香港好手阮潔珊. 恭喜恭喜!

作者: jojo 時間: 2007-12-10 15:24 標題: 回復 #5 Jess 的帖子

死火..係人都知道我的真名添.

好乜野手呀,輪到右一的健兒都未輪到我啦,他年年都有背囊,男子組仲威啦

作者: Hello Keung 時間: 2007-12-10 15:47

係隻"好手"拿住個樂施毅行者個袋, 打對台

作者: jojo 時間: 2007-12-10 20:05 標題: 回復 #7 Hello Keung 的帖子

我用腳來跑,點解叫好手,應該是"好腳"

作者: Hello Keung 時間: 2007-12-10 23:47 標題: 回復 #8 jojo 的帖子

對腳都傷得七七八八都叫"好腳"

作者: Charles 時間: 2007-12-11 01:37

搭妳單寫埋我個後記：

因為上次旅聯的比賽尾段燒晒D食物，成個人好虛，所以今次策略係起步大吃特吃，卒之由起床直至起步食左一碟大飯，一個漢堡包，兩條蕉同埋一公升可樂，斷估都夠數。

未到八點去到北潭涌，見到開始人多，仲個個都好似好勁，一如傳聞講：「好多高手落場」加上兩星期前扭傷腳都未好得晒，依家要少心吾好再扭傷，亦都不敢望有背囊。

到起步點，除左百幾個種籽跑手左頭，前面仲有十排人，自己的排位並不算好。起步聲響，但二十秒後先至可以動身。放眼望前見有不下五百人，有D已幾乎跑到轉變位，點追點過人呀？

一路只係dub低頭睇路跑，有位就躡。轉入山路，如常塞人，估計都過到二三十人；跑落赤徑又過到D人。慢慢都無計比人過定過人，因為前面仲有好多人。

用52分鐘上到大浪凹見到阿德，佢幫我影左張相，仲同我講：「你好快ga啦，續繼努力！」

上蚺蛇時沒有刻意加速，留番D力。落山時就發揮自己落碎石路的強項，直出到長咀過左好多人。長咀回程時食左包gel，因為知到食物都消化到無幾多剩。臨落山前迎面遇到JoJo，佢仲幫我影左相。到落左東灣就到自己的弱項﹣跑步，連續幾個灣都不斷比人過頭。去到西灣卒之都要買汽水飲補充熱量。到最後一關的西灣長梯，卒之扯盡，雙腳微抽。上到吹筒凹又見到阿德，自己已經無力同佢講野。

剩番最後約7K，上斜就行，平路落斜就跑，但後面不斷有過頭的人，呢段路約比二十人過頭。見到最後個check point，心諗；「卒之到啦！」

一路上都無點睇錶，只係大約估計時間同上年差不多，相信名次會跌多六七十名（因為上年跑快左名次都跌左二十名）。番到終點的上斜路仍然努力跑，衝線時手上的咭仔係284，真係喜出望外

，睇睇手錶，同上年一樣4hr06min，相信因為氣溫同風量都無上年咁好，所以D人慢左。今次無穿無爛返來總算??身彩，聽好人講好難law背囊，我都有同感，好辛苦。

作者: jojo 時間: 2007-12-11 09:39 標題: 回復 #9 Hello Keung 的帖子

對腳一日都行得,都不能停,江山如此多fun

作者: jojo 時間: 2007-12-11 09:41 標題: 回復 #10 Charles 的帖子

今年沒有cosmoboy出席, 可能名次排前左

作者: Hello Keung 時間: 2007-12-11 10:19 標題: 回復 #10 Charles 的帖子

真係食好多野呀

不論之前食幾多野, 跑大約2~3個鐘, 我都會開始肚餓, 哩個肚餓時間可能哩個係一constant來吧.

其實power gel有無用呢

食過好幾次都好似無乜料到呢

而家你攞左咁多次背囊, 會唔會有特別獎架

作者: jojo 時間: 2007-12-11 17:17

其實我都嫌個漢堡包好細,老麥越來越扼錢,食左都仲可以食多個.想食巨無霸,但咁早又沒有.

呢兩次比賽都沒有食gel,早餐食飽d仲好啦

作者: Charles 時間: 2007-12-11 19:04 標題: 回復 #13 Hello Keung 的帖子

其實由朝早五點幾開始到九點起步有成三個幾鐘，食咁多野都吾覺好飽，應該再食多D就吾使中途食gel同飲可樂。

D gel其實只可維持10分鐘左右，個人會醒D，所以通常上山前食。

加埋今年我只係law過3次背囊，如果第一年玩時吾影相同摶老命，應該會多一個，咁仲可以law埋個特別版背囊，可惜......

依家要重頭計過要6年內贏4年先至再有特別版背囊，咁辛苦點玩呀。

作者: Hello Keung 時間: 2007-12-11 21:17

總之你地而家有咁多個背囊, 都用唔晒, 不如放上網, 可能有人高價bid喎

作者: jojo 時間: 2007-12-11 21:47 標題: 回復 #16 Hello Keung 的帖子

我地又唔係好叻,咁辛苦law,bid出去,好難啦

歡迎光臨哈囉~強 (http://www.hellokeung.com/forum/)