之前未講過, 今次首先紹介一下什麼叫做"X Camp"啦

香港有指定營地, 但一般的指定營地, 一係地硬, 一係無水, 一係無景, 一係勁多人, 一係以上全部皆是. 所以好多露營資深人士會尋找其他非指定營地, 不過在非指定營地露營並未等於非法露營, 因為有兩種非指定營地露. 1: 在郊公園內露營, 非法. 2: 在郊外但郊野公園外的露營, 無人投訴就無問題. 東龍島及塔門就是其中出名的郊外但郊野公園外的露營, 但太出名好多人去, 因此不屬於X Camp, X Camp 一定要小人知道, 小人去, 所以X Camp地點是不可公開俾人知的.

今次X Camp, 一如以往都是屬於第2類.
>>>>

11點就在中環乘1小時慢船入梅窩, 食過午飯就拿水上營地, 原本背囊有24磅, 在銀礦灣沙灘拿大約8公升水, 背囊便躍升至40磅, 背囊在地上, 想以弓字步單膀上背囊, 但一起身, 即時坐低左, 因為太重了, 最後要以雙手提起背囊在石上, 再雙膀上背囊, 才可繼續前行.

1個多小時路程便到X位置, 溫度非常理想, 以冬季的空氣質素來說, 算是十分清澈了, 可以說是非常好的露營日子, 營地風景怡人, 有山景又有海景又有小樹林景, 地質亦相當唔錯, 有軟的短草地起營用, 又有平硬泥地做煮食區, 亦有一些隱閉地可去方便一下.

各位營友, 大多是靚營, 超輕營, 四季營, 半雪地用營, 留個紀念逐一影返張啦 (有2個無影到).

時間尚早, 好悠閒, 食下小食, 飲下汽水涼茶, 坐下訓下, 入夜才開始準備晚飯, 1人造1個菜或湯, 再加2煲飯, 10個人圍住食 (另有1對夫婦自顧), 慢慢食, 食足個半鐘.

正值月圓之夜, 月亮皎潔, 但就無星睇喇, 閒談, 食過糖水, 12點前便入營睡覺.

清早, 伸頭出營外望, 霞氣大, 無日出睇, 再訓多陣先再起身, 執拾營內用品, 才煮早餐食, 在營地附近再閒遊一會才收營離開.

離開就行山路兼兜個大圈睇風景, 雖然背囊只剩下20磅, 但都好重, 平衡力大減, 只可以一步一步下斜, 唔好急.

路經萬角咀, 只有一戶村民, 佔了整個沙灘, 有幾間屋及一大遍沙地及泥地種植了各式農作物, 打理得好美.

回程乘船前又在碼頭旁的大排檔食野, 炒粉麵飯夠獲氣.

全部相片: http://www.hellokeung.com/gallery/photo_n217/
.

第一次見這個中環天星碼頭	梅窩海旁的食夠晒獲氣的羅漢齋飯
銀礦灣酒店	有半包水凸出, 扎住先. 已經是背囊負重極限
各人都攜水, 慢慢上啦	下望銀礦灣
已經行左1000級喇	起營
坪洲	喜靈洲
大把時間, 休息一下啦	我亦排排訓
小食時間	我的營, 抵用亦有頗大前營, 1人露營唔帶天幕了
孔的營, 又大又通爽, 2邊大前營	雄的營, 實用性高的四季營
壞癲的營, 一宇記之曰"輕"	積奇的營, 輕得來又係free-stand
海的營, 雪地用當然無問題啦	Ah Co 的營, 美國賣家問"香港係邊,有雪落嗎?"
Mike 的營, 作前營個天幕個價仲貴過營	Jc 的營, 哩隻係舊版, 比新版更多變化
一對外星音樂播放器	開始煮食
大家努力中	開餐喇
月圓下	晚上轉涼, 食返個暖暖的糖水
各自早餐	下山
萬角咀在望	入大路
沙上木屋 (無車路,點解會有架車呢?)	沙上耕種
萬角咀小型碼頭	番鬼佬荔枝
仲有上上落落	回到銀礦灣

.
全部相片: http://www.hellokeung.com/gallery/photo_n217/

哈哈！你以為無人知咩我行山都同你行過啦
我知呢段唔係主路上，不過呢段我大大話話都行過不下十次，附近風景出賣左你啦地主！
我欣賞你！好野！

去過既人知無問題, 如果佢想去果度露營的話都識得去, "X Camp 保密法" 係唔可以俾太多人知, 人多去, 有人投訴就變成非法了.