昨日Retreat, 手腳都仲d攰, 今日有個特別假期, 去操山啦, 定2個plan, 唔係咁掂就 plan A 行第7至8段, 覺得掂先 plan B 行埋尾.

9:05去到城門, 到未起步先下雨, 一起步出太陽, 睇住地面的水熱係咁上升, 嘩! 唔係想蒸熟我呀!

9:15正式到達第7段起步點城門燒烤場, 開始上針山已經覺得大腿有d酸痛, 仲有個大太陽係頭頂, 係樹蔭下停左3~4次先上到頂, 下山都係只可以快步行, 跑唔起.

一步步上草山, 中途有工程, 好多車行來行去都幾煩, 上到草山開始天陰, 人都醒神左唔少.

11:05去到鉛礦坳, 開始上大帽山, 風大了不少, 唔好急, 正常步伐咁行啦, 上到山脊見好多人在剃草, 已經剃左一帶防火帶, 應該係預防秋冬山火了.

去到四方山亭開始有微微雨, 正! 涼晒, 行步路都爽左, 上到大帽山頂仲下大雨, 風就大到吹郁人添, 太舒服, 可似跑下山. 心諗唔通可以plan B?

下山中途發現麥徑正在改道中, 過了大閘口不久, 要轉右邊林中上山脊, 下往平時走時搭的巴士站, 直駁巴士站對面的第9段. 不過我行左新路200米後, 都係鑽返出來, 行舊路了.

12:58去到荃錦坳, 收到電話, 爸爸今日覆診後要入院, 即時要走, 剛好完成plan A, 到醫院後得知只是觀察沒有大礙.

路線: 城門 -> 麥徑第七段(針山 -> 草山) -> 鉛礦坳 -> 麥徑第八段(大帽山) ->荃錦坳 (16.5km 3小時53分)

全部相片: http://www.hellokeung.com/gallery/photo_n237a/
.

熱到見到地面真係出煙呀	又一批馬騮出世了
上針山	先到個針山都覺得熱
針山頂	前望草山
回歸10周年亭	草山頂
上大帽山喇	防火帶
四方山亭有好多牛	霧雨中的大帽山頂
麥徑新路在右邊	在荃錦坳撤退

.
全部相片: http://www.hellokeung.com/gallery/photo_n237a/

嘩！今日爽過我0地昨日喇，情願佢濕濕0地，涼快D。
都無留意麥徑改0左道添，幾時ge事？毅行應該照舊可以跑車路落。

第8段, 就係就係避開d車, 要麥徑改上山
第10段都改左, 為了避單車, 麥徑又改上山行而唔行水塘路.

唔喜歡起步時已經落雨, 但之後落雨就好爽, 如果唔係都唔會今日行得唔辛苦啦

下雨,好爽bor, 不過最麻煩係濕左腳. 一d都唔舒服!
有無其他行山友?
話自已唔鐘意行山ge,突然又去操,仲要係打風至去

除左係城門小巴站見到有行山友, 之後就無再見過了

都話明操山係為左毅行, 多年毅行的天氣, 時熱時冷時大雨, 所以乜野天氣都要適應. 我都只係喜歡睇風景區遮  

強哥,
我大有機會毅行者會當更(AMS 更) ,
睇下到時會唔會見到你地,
見到一定大大力同你地大氣.
加油呀!!!!!!!!!!!!!!!!!!!!

大佬, 可以的話早d講俾我地聽你係邊個位當更, 找你入鏡講幾句

邊個checkpoint 做AMS? 早年都有個朋友係cp9做過.不過近呢兩年行過都見唔到了.

我現在都唔知有無得更架,
妳是同強哥同一隊架???????

我地應該都係自由行, 無話係咪同一隊, 只會盡量行埋一齊, 方便影video.
Jojo 同 Charles咁快, 行多幾個CP, 我就跟唔到啦

30-40k路程,點都係你~超級無敵香雞腳快過我ge!

至於長途戰,你都係輸蝕食唔到野的問題o者. 解決左呢個問題,毅行快多3-4小時都係濕濕絮啦