毅行操練最後一課。因為要mark時間,同埋check荃錦坳士多營業時間,所以特意操七八九十段。
9:10一開波由針山腳上山,沿途都有好多郊遊人士同埋操山人。可能因為有雲,所以好爽快,亦都過0左好多人。10:28到鉛礦凹,只係休息4分鐘去廁所食個布冧就行人。上大帽都過0左好多人,但有兩個鬼佬上山好快。由大帽山頂跑到荃錦坳士多只係用0左25分鐘,12:04到達,即係2hr54min完成七八段。
用20分鐘飲汽水,食自製飯團
,
仲問埋士多在毅行日兩晚會通宵營業,真係放下心頭大石,荃錦坳有support啦。
繼續進入第九段,落斜喪跑
,只花1hr9min到達CP9吉慶橋,自己都覺喪喪地。一路上都追好多操山既人,有時仲同人cross over。進入毅行第十段,水塘路有8成時間在跑,但都被3個我地過0左佢頭既鬼佬/婆追番過,45分鐘完成。進入最後的新路段,亦係今日主要想mark時間的一段。腳有D緊,用0左15分鐘上完條斜路,果幾個鬼佬/婆正在休,我地拉完筋2:47就先過佢地上路。呢段路毅行指示牌都話仲有6K,計落即係仲要成粒鐘至到,希望四點前完成。
離開山路,因為石屎路都仲係有上有落,又唔想操傷肌肉,所以無咩點跑,點知行行0下就見到漁農處間屋,咁即到啦。立即又跑,落到燒烤場搵0左一陣至知點樣走保良局後門,跑埋最後1K,3:33到達,
用0左6hr23min完成毅行七八九十段。
9:10城門水塘> 9:39針山>10:21草山>10:28鉛礦凹(休息4分鐘> 11:17四方山涼亭> 11:38大帽頂> 12:03荃錦坳士多(休息20分鐘)> 1:34吉慶橋(休息10分鐘)> 2:29完成水塘路> 3:33大棠保良局 (全程37公里)