星期四跑步後拉筋, 有些少拉傷大腿近盆骨筋, 原本今日都諗住轉成跑步算了, 但個個都練山, 唯有就住來行啦.

如果上得大級樓級就會痛, 所以只係練麥徑第1至2段好了, 第3段有好多高級呢.

昨晚10點先上完急救班, 返屋企睇完e-mail同forum, 見個個都咁有衝勁, 所以無預備今日會行山, 朝早好攰仲比平時遲起床, 好趕咁, 去西貢食個早餐A, 買一份香蕉就到北潭涌起步.

全程要輕鬆, 唔好急, 唔好急, 唔好急, 錶都無帶, 總之完全用自己既速度來行, 急步, 其間只在北丫的下斜路及大浪凹的下斜路有間中緩跑.

上到萬宜水庫, 見有跑步比賽, 還有些少人跑, 好似快要完, 但唔見有banner祉頒獎, 一路行完全唔見有水站痕蹟, 睇來個比賽可能好細下.

在東壩見有個女仔緩跑過左我頭, 行多1km就已看不見其蹤影, 但之後在浪茄下山位又見到佢, 佢只係慢行, 之後消失了.

過左北丫斜路, 見到前試腳隊友, 不過唔想影響自己步伐, 只是聊幾句就再前行, 在浪茄灣都仲見佢地在後面浪茄山上, 但上西灣之後, 佢地又消失了.

由西灣往鹹田灣中途, 見到一位疑似Pearl正逆行, 我揮一揮手, 佢好似睇唔到, 無反應就下西灣了.

上西灣山有小風, 所以唔辛苦, 可以一步步不停就上到頂, 下山時就call左一舊在成個西貢半島上, 所以飲水都唔係太多.

中途無買食物, 只買飲品, 只食香蕉, 所以停得唔多. 睇黎食香蕉比較方便.

行完兩段雖然仲係有氣有力, 但為在留住個輕鬆心情, 都係唔好行第3段了, 撤離!

返到屋企, 竟然係全程渣住相機既右手腕最攰.

路線: 北潭涌 (9:32) -> 下浪茄的山上 (11:05) -> 西灣 (12:26) -> 北潭凹 (14:10) (24km, 4小時38分)

全部相片: http://www.hellokeung.com/gallery/photo_n249/
.

主要食糧	有比賽喎
地質公園入口	上次試腳隊友
地質公園辦事處	西灣山頂
call左舊雲來喇	沿途有好多組人導賞生態
西灣補給	多人到呢...排隊上山
大浪村飲多支	大浪凹爆食水喉呀
大大支山林旗	輕鬆到跳起

.
全部相片: http://www.hellokeung.com/gallery/photo_n249/

哦！你閑遊都唔call「孤獨老人」。你講，實情你係閑遊定係操山。閑遊24K係唔准快過6小時，仲飲咁多高糖能量飲品，加上你既短褲look，表面証供成立：「你係操山。」操完山仲可以輕鬆到跳起，即係「董建華扮腳痛」秘密操練，真正完成時間可能係快多一個鐘，即係3hr38min。快D招認。

我都係昨晚零晨先決定去行山, 「孤獨老人」訓左啦

跟你地行就係操山, 行完會攰到死, 我今次無攰, 所以唔算操山

我要keep住有胃口既速度來行, 唔可以再快架喇, 返去西貢食左個飽, 返屋企要再食杯麵.

睇隊友上次練習既速度, 一定要著短褲先追得到, 因為著短褲每步可以行大些少

照咁睇你隊友志不在30，但切忌開頭扯爆，留番入夜時發力。佢地行夜山快唔快？不過要好好睇住隱形人。

食蕉食得你咁開心毅行無蕉食ge
日頭見到人突然消失,e+都咁邪呀 過往毅行,隱形人話第三段尾見到野....

消失既意思只係d人再無前行, 可能行返轉頭或其他路遮

講開呢樣，昨日操山，四方山涼亭之後，再上「奪命斜路」，上完後尚有一段路至到「波頂」，但有個阿伯從左面山路閃出，話呢條路可以唔使上頂繞到前山，快好多。我地後面兩個操山人都想試，不過後來都無。但如果呢條路係真既，就同大老山捷徑差不多(or more)。如果D人將所有捷徑走晒，隨時快成粒鐘。

得閒個時先去郊遊玩新路囉, 不過我純睇地圖等高線, 即使有路長度都差不多, 只係不用上升100米. 再睇Google Earth, 點都估唔到條路係點.

我睇地圖，上山少0左兩個之字位，落山又少0左個大之字位，水平距離都差超過500米，加上唔使上山，可能賺到5-10分鐘，只係唔知條路好唔好跑。

剛剛証實"疑似Pearl"並非疑似, 只不過已經唔認得我

佢今年好似唔玩毅行bor search 唔到個名ge. 可能輕鬆遊卦

佢同Alison今年玩樂善行

個個都操都今勁,我再出現的時侯就更慘情.......

我主要只係操"怎樣食野"左喎

食蕉啦!行兩段食左5條蕉. 行10段,咪要25條蕉. 那叫support 準備25條蕉比你食呀

你有冇去跑步呀

哦！我0地分得好清既，操山時操山，行山時行山，慢流時慢流。