鬆Ｄ，阿珍好耐無係度分亨自己係歐洲ge經歷，一來好多照片係面屎簿有登，二來，就係懶．之嘛！
想問下以下有咩國家大家有ＤＤ興趣，想我分亨下？
英國（各城市）
愛爾蘭（都柏林 Dublin)
法國（巴黎 Paris，里昂 Lyon）
埃及
德國（柏林）
意大利（羅馬 Rome、比薩 Pisa、佛羅倫斯 Florence、酒莊單車之旅）
維也納
土耳其
阿珍六月將會去 Denmark哥本哈根（整鬼隻美人魚上禮拜俾人劫左去大陸上海，激死）
或者我最近一年去過ge國內城市
北京
西安
嵩山少林寺
洛陽龍門石窟
整張凱旋門俾過大家參考下。panasonic Lumix傻到唔傻，傻瓜機影ge！

你咁多主題, 為左我個forum, 慢慢咁, 遂個地方講啦, 最多我開個"外遊"目錄俾你hold喇

珍珍可以寫本週遊烈國ge書, 做個烈女尊輯

去歐洲旅行旅費太貴，我都係喜歡西安、北京，有無料報呀。

有呀！北京﹣西安（兵馬俑）﹣洛陽（龍門石窟）
你俾我幾日，今個周末交貨。做左學校ge功課先！

珍珍妹:我有個question, 點解你有咁多 $$ 去旅行ge 好羡慕呀.

我都預左有人會問架啦
第一，我第一年ge學費係有獎學金；第二年開始我學校俾錢，我只要定時定候交paper去conference等我學校有ＤＤ學術競爭力就 OK!
第二，我係學校做Hall Tutor，住宿係免費ge；一年等於慳五千到六千英鎊；免水免電免網絡費
第三，我一日到黑都有做part-time；因為係學生唔使交稅，所以賺幾多，收幾多
我平日都係自己煮飯食又唔亂買野，儲落Ｄ錢寧願去旅行食好野同埋買記念品！

嘩!! 你好叻女
由朝到晚做part-time, 又有奬學金, 你簡直係打天材波
住宿+水電全免, 慳唔小. 都o岩ge, 袋袋埋d $$去旅去見識下世界

不過.....你咁叻女.  邊樹有仔襯得上你呀!!

珍珍相識滿天下, 大把各國男士追求啦

你睇我呢個時候仲回你帖，就知我仲寫緊功課。

個問題唔係我有幾叻，個問題係我年紀真係大，中國藉男性都寧願要後生ge，只有鬼仔／佬唔係好睇重呢個問題；而且佢地「佬化」ge 速度比我「老化」ge 速度高好多好多。加上西方女性（尤其英國妹，一入二十歲就立即「婦人化」）普遍唔襟老，三十打後就現形。

我都想嫁中國人呀，但係有時候真係要向現實低頭。呢個market無人要，我連印度ge市場都開埋！

你係老外地方佔盡優勢.  鬼佬同阿差市場都好呀.第時生d仔仔女女 mix 板本, 一定好靚仔靚女.

不過, 你大極都唔夠jojo 姨大啦.  姨姨同你咁大時都未驚過 襯後生玩盡去.