今年燒烤項目比較少,所以趁毅行同樂善之間的空檔特別安排。<br />
基於菜式'已被人不停評為太過份,所以特別冠名為「米芝蓮星級燒烤廚房 」。今次要安排12人餐單都好難預算,大家亦都無夾過,一切基於有咩材料就燒咩。
今日涌背好多人,連往時用開個爐位都被早佔用。擺起個陣不久,週圍亦已坐滿人。廚房部首先起壇,「啤酒花甲」起鑊聲已先聲奪人,繼後Tommy的「大蝦天使麵」已惹得隔籬枱圍觀。之後燒味部登場,燒「羊架」及「豬肋骨」時仲要同圍觀的人分享心得。
今次慢燒慢食,中段時發覺原來有兩磅麵包,Tommy、小強又多買了雞排同鴨胸肉;把心一橫,製成炭燒雞排公司治、同鴨胸肉公司治,都係一個驚喜。
尾段西冷排都唔錯,但睇住仲有「豬串骨」同「雞翼」都唔知食唔食得完,點知一陣間又被掃清。最後尚剩兩排「羊架」,見個火仲好靚,咪浪費。專心處理下成為全日最精彩部份,肉汁四溢。
今次主要做到星級享受,平民價錢原則做11道菜:
01. 啤酒上湯花甲(3斤多):成本價$110
02. 大蝦天使麵:成本價$100
03. 燒香草黑椒羊架(約2.5磅):成本價$230
04. 燒豬肋骨—金沙骨(約4磅):成本價$44
05. 燒風蟮(3斤多):成本價$248
06. 雞排公司治:<$20>
07. 鴨胸肉公司治:<$40
08. 大熱狗:$45
09. 西冷排:$140
10. 燒雞翼(4磅):$40
11. 香草黑椒豬串骨:$44.4
埋單計數12人,每人平均$107。咁ge菜式實在係「平」!