酷熱依然，澗亦行到七七八八，揀到無得揀唯有揀北龍(呢條澗大家係有D禁忌)。
昨日操完山，諗住今日hae少少，所以帶咗好多生果，點知Daimen又話生理有問題(病)，卒之只得3個人食好多生果。
北龍相對於黃龍係屬細澗，忘記呢幾日大嶼山無咩雨落，所以澗道若隱若現。經過幾個潭瀑都因為較陰同樹葉多而無落水(事後發覺原來上次浸過)。行咗半個鐘，汗亦流足半個鐘，卒之見一開揚小水潭落水降溫食哈蜜瓜。Hae咗幾個字再上路，一路只再見一滿樹葉的潭，走了一粒鐘到天書壁出澗。
無驚無險，仲打算落黃龍頭的大嬉水池浸多野補數，點知婆髻落山無丫丫PK了，左臂同右膝都撞傷，但好彩無爆缸。/>
落咗山，點都係要入黃龍浸一浸食生果條氣至順番，然後至施施然去tea。

P.S. Tommy金句：今日似行山線多D，呢條澗都係無下次

雖然行第三次, 第一次跟隊下溯, 第二次小七, 都無咩印象, 北龍係咁上, 水雖清澈但小潭, 浸唔夠本. 今次後, 除非大雨後,才審慎encore..

哩個澗係玩水上電單車

嗰朝經過時啲水都仲清，下午嚟到就已經差啲。
遠處嗰班人仲响度燒烤添。

我地又燒烤囉

講講講，你去完星加坡返來至算啦。