jojo
百公里大地主
UID 11
精華
0
積分 2969
帖子 2969
閱讀權限 150
註冊 2007-3-6
狀態 離線
|
|
Jo Jo 後記
毅行30週年 – 意志力的一大挑戰
正如Charles 上述所言, 早兩星期峰迴路轉下正式入了隊. 剛巧10月中完了個30k比賽, 鮮有一處舊患復發, 毅行前一星期針了四天, 不敢再跑, 尾星期只做伸展運動.
落場早一晚差不多沒睡, 零晨4:00am就整裝待發. 身心狀態都很累.
天氣又是另一因素, 天文台預測下雨, 心一早想水戰. 但上西灣山, 陽光普照, 熱, 濕, 翳, 焗, 大汗淋漓.
一路行,就一路想, 自己可唔可以涯到終點!? 太陽收了, 但仍然大霧且濕, 無風, 路跣, 基本上好多可跑的路沒有心去跑. 只係一直keep 住急行.
沙田坳落開始落大雨, 超沒有mood, 如果係自由行, 我一早quit 了. 幸好, 其他兩位的隊員有實力, 仍然堅持到底.
9時, 開始眼睏, 望住手電筒的光線, 兩眼開始發直, 發呆, 知道自己狀態越來越差, 我寧願除下帽子給雨淋, 清醒一些, 每到有野食的地方, 我就盡食,到城門補給, 我食了半盒叉燒飯, 醒神番,可以踩上針, 但到草山水站,又開始眼睏, 又打糖. 鉛礦坳食麵, 食完會精神返些又踩大帽.
第9段, 太大霧, 視線不足4-5米就唔見到隊友,又長又悶的落山路. 舊患又開始痛, 又眼睏, 但卻可以慢跑追時間.
第10段, 水塘路爛得好緊要. 沒有跑. 天開始光, 腳趾痛, 心知道有水泡形成, 身體被膠布邊多處磨損, 但通通都唔多想, 回到最尾3k, 痛都要跑, 終點在望, 最終full team完成. 真係難能可貴的一年
|
|
|