大家好,我諗小七同人都知我係邊個,唔洗介紹了
好高興喺呢度開第一個thread,講我參加呢個比賽的點滴
喺11月時,某人(我唔記得exactly邊個)邀請我去陪maggie試路
之後,睇完全程話25km,而time limit又唔係好似渣馬咁緊(對於我來講),
而且...未截止
就報咗先算
$450來講對我來講唔係一個小數目,又唔係一個大數目
我只係希望我每個「第一次」都ok,從而催使到我有下一次
點知事態發展為...
maggie因為要考體能試要留力,唔可以同我出戰
強因為長跑confirmed,所以都要留力
我就諗...大獲了
強某次亦都唔跟大隊high tea
同我私人操一段路
我就feel到呢樣嘢係好認真的
最尾elsa話當日肯同我陪行
比賽前一晚又因為要去飲
精神唔好,瞓唔夠
強同maggie都特意提我買嘢同提我走
返到屋企都好夜
執晒嘢就瞓
朝早起到身但遲咗出門口
好彩去到美心有位
食咗個早
連我同檯隔離位的兩位師兄都係參加比賽而去
食完落到去想打畀elsa就出現了
之後一齊上大會車
原來有飛就得
飛寫的時間係廢的
到咗後人行我行
去咗登記
之後求其影幾幅後
同elsa排後面
唔想畀人推背脊
但我最擔心都係唔認得路
終於開波了
強之前講過自己跑得就跑
尤其係開頭
加上個個都跑我都跑了
驚冇人畀我跟唔認得路
開波冇幾耐即刻有人因攝位問題而對答咗一句
我都懶理
有人幫我開路我都攝得就攝
個氣氛幾正
但因為咁我就離開咗elsa了...
過完馬路上緊時
見有人行緊手持自拍
我都象徵式試咗一嘢
不過其實我已經冇乜心情影嘢
去到咁上下
有啲平路或落斜位我開始跑唔到
只係儘量聽到後面有人個時跑...
去到cp1時
我終於知道擔心唔識路係多餘
難怪強叫我唔好帶map
之後打畀elsa
佢叫我唔洗等,繼續就可以了...
整咗隻蕉
仲要係我唯一肯食個隻
good
之後開始慢慢上
我真係有諗過入草之前頂住人的
但冇幾耐後面個師姐就問我:可唔可以行快啲?
我即刻二話不說企埋一邊
之後有人大嗌:有蜜蜂呀!有蜜蜂呀!要兜路呀
之後我見到已經係一堆兜完路的人
話我已經過咗
笑了
到同公開組對接部分
我已經唔見人跑就跑
但有啲落坡
我直頭唔落break
之後有幾次因為太快
好似心口翳咁
唯有慢
cp2之前
我開始同一隊橙色衫的四人組前後前後
cp2我再打畀elsa
都係叫我唔洗等
都係整咗隻蕉
仲有refill水
去埋toi
死挨死挨上到大峒
坐一陣...
四人組已過
到橫嶺坳
右腳開始抽
再坐下
但差唔多飲晒水
開始辛苦
過完deep v再坐,唉...
終於挨到cp3
吞兩隻蕉
再飲多啲水
四人組又到
四人組行個時終於同我開口
講咗兩句我比較鐘意的讚美說話
但以我當時的condition
有小小壓力
我再坐多陣先開
上緊吊個時
行幾步停
行幾步停
痛到好似我之前M678夾硬上帽咁
即使嘗試換腳都冇幫助...
見到個四人組一直都拉近唔到距離
好唔開心
死挨終於上到吊
我同義工講我抽筋
佢同我搞搞後我即刻好好多
仲有另一個話唔好抖咁耐
我之後又開始落
但之後一上又抽過...
好鬼冇癮...
之後挨到落去
落緊去個時已經聽到大會頒緊獎
去到小巴站好多人等緊車
咁多人望住
慢跑好過行
終點前拿定個pad出來準備按pause
6h 26m
之後登記個個講笑咁問我係咪驚唔認得路
入去有嘢飲、有嘢食、仲有地方畀我攤屍
之後冇幾耐elsa都到
我一諗住換過個位坐就即抽
兩隻腳一齊抽
等多陣夠鐘拿cert
求其影幾幅就走
行到出去終於見到強
佢話同佢預估時間差唔多
強話大會車只係去到大尾篤
咁我唯有跟佢地行返出去等275R
我就直接返屋企了
小七真係唔簡單
我已經有好多個第一次獻出咗畀你地
好多謝強、maggie、elsa的悉心照顧同其餘各位的支持
令我今次總算圓滿完成
http://www.mapmyfitness.com/workout/84091662