昨日都仲有D頭痛好似作感冒，睇完中醫食過藥，可能因為咁攪到好好訓，兼訓過龍。本來諗住5點起身變成6點，所以有D趕。

後記：
今朝唔算食好多飯，所以帶多壺粥起步前食。今年我同JoJo報新增的混合組，8:45am起步，個個都跑晒上去。因為係上斜，所以我地只係跑自己pacing，唔會咁摶。未到黃泥涌峽道已經感受到太陽熱力，去到CP1陽明山莊都仲OK，上渣甸、畢拉山開始執人。9:45去到大風坳，都無咩點停，繼續跑去下個check point，10:10到達。食蕉、fill水後，跟住就係漫長ge引水道。食gel、食糖補給，總算全段引水道都跑，到上龍脊的梯級時就真係有D熱爆。糖同gel都食晒，熱爆都要涯理佢，JoJo仲要在石屎路口等咗兩分鐘，最後一齊跑番終點。

3hr17min＠30K

P.S. 因為高手今日都過咗大嶼山，所以比我地執到個冠軍。今日某程度上都係當操山，賽後卒之都可以去食個大餐。

玩左咁多年山賽, 終於有一年唔係做二奶
雖然好多高手過了大嶼山比賽, 但今屆旅聯都比往年多人
是次陳師傅推薦我地玩混合組. 共有8 隊參與, 因港島徑屬於跑線,  第二隊都係比跑會囊括.
有太陽曬, 天氣比舊年熱, 林生有少爆, 不過還頂得住, 我就上晒電, 唔多覺辛苦. 落斜,引水道, 及尾段泥路喪跑
如果今年玩返女子高組都係拾2奬, 公開線就頭奬.   睇來高手已經玩嫌了港島lu

叻

阿林生，你地咁辛苦又咁叻，比多些大餐自己食，杯麵通粉留返在山上食喇