就係因為蚺蛇尖, 所以就報了今季最後一個比賽.

天氣預測預左熱. 最高26度, 萬里無雲,上山有28度左右.

去到會場, 幾乎9成係外籍人士, 一個人都唔識. 第一次霸了頭位.  好威呀 !!

8點正,13k/26k/30k一齊起步. 上大枕蓋樓梯塞人. 情況不算嚴重. 好快就暢順起來. 接鹿湖郊遊徑, 13k的賽友繼續前行, 26k/50k左轉到赤徑第一個CP, 我差點忘了o都手帶.  

今次已經37次上蚺蛇尖. 可惜太靜, 無人係頂幫我影相. 感覺下山路越來越爛. 一直剷落東灣, 大灣, 鹹田, 大浪西灣CP2. 上到吹筒坳. 那時26k的賽友前行去西灣亭出北潭涌

50k的我左轉西灣山, 山路好寧靜, 行得好舒服. 有風時好爽, 無風時真係又熱又曬.  

追到前面紅裙鬼妹. 到東霸過後平路, 比佢追番! 落白腊, 佢missed 左個u-turn, 我又追前, 一直都沒有見她了.  

繼渣馬後, 病左成個星期, 鼻涕繼續來, 又係麻煩野第二天, 真係濕滯 . 係007marker 打左個電比林生, 買定罐凍嗎啡 (可樂) 係北潭涌等我, 去完個wc, 上遙郊遊徑, 左兜右兜, 人開始謝, 舊患左肩膀痛扯到胸肋骨痛, 一跑就痛.

到北潭涌, 差d wing到連林生都認唔到. Power gel加罐可樂, 那時有叧一個鬼妹趕上, 林生等我等左我兩個鐘, 話已經有好幾位女solo 快過我, 見到男子William Davies 約6小時前過終點,  所以我都只係盡力. 再上北潭涌郊遊徑已經甩左那個鬼妹, 但兩小腿開始想齊抽. 抽住跑, 跑住抽. 玩耐力賽的技倆

上牛耳石山, 開始回魂. 再追多位林生話係賽參 “女” 跑手. 落嶂上, 我P 左K, 過雷打石後. 忍肩膀痛急急腳以8小時11分衝落終點.  

查詢下, 才知到得個5奬. 如果唔係隔離山隊有喜慶, 多幾位師姐落場, 就沒有我了. 之後, 頭先追過的兩個鬼妹同一個本地 "女" 跑手相繼到步

不過條線幾好玩! 比起上年10月搞的港島線挑戰好多, 今季賽事亦完滿結束啦

路線資料:-

垂直攀升值2218米，垂直下降值2216米。總升降差4434米，最低值1米，最高值468米。

北潭涌 >大網仔路>大枕蓋（408米）>鹿湖郊遊徑 >赤徑（海平面）>大浪坳 >蚺蛇尖（蚺蛇尖486米）>東灣 >大浪灣（海平面）>鹹田 >西灣 >吹筒坳>西灣山（314米）>浪茄（海平面） >萬宜水庫東壩 >白臘灣>天后廟>西貢萬宜路 >西壩>上遙郊遊徑>北潭路>北潭郊遊徑 >北潭凹 >牛耳石山（425米）>嶂上 >華媚山>北潭>北潭涌

勁

一年進步神速. 你仲勁