大魚100可算是今個賽季最後一役，亦是繼TNF (NORTH FACE100) 最難梗的一個賽事，兩者的難度，眾說紛紜。 TNF因天雨關係，難以表現自己最好狀態。可以涯到賽尾，身體還承受到，可算托賴，但為了保險，我都係食定止痛藥。
今年的賽事，主要玩多點新路線，如其中三場KOTH的路線及兩個新100， 本著參與，志在完成，致於有沒有奬項，真係沒有強求，有就當自己BONUS， 亦預左大賽，當然有好多強人落場。
是次星期五晚11:30PM起步 ，有辣有吾辣。起步前的7:00-10:00PM間歇性落雨，都幾擔心落薄刀刃的路況，幸好，起步前又停雨了。
以MIXED TEAM 落場，同權已夾左幾次賽及練習，基本上完成沒有困難，起步時，唔可以快，但又係落薄刀塞人，遇見IZ係前邊，過左兩個萬金油就路路暢通爽晒。
爛頭好冷，不過冷風令我更加精神，落到CP2(22KM)伯公坳，遇到SAM/IVY /IZ / TIGER/GORDEN 好多FRIENDS。
差不多到心經簡林，已經天亮， 唔知點解有鼓動力好想跑，一個箭步唔理隊友標左出去，無右轉去CP3， 差唔多到士多才被人叫著走錯路。真低死。瘋婦般跑回CP3(34KM)。 又遇見SAM/IVY/大華/鐘仔，仲有意外驚喜，見到偶像JANET/STEVE 來，雖然有點突然，不過見到那粒星星，當然要影相，怕一陣已經消失，呢個CP D 水唔夠熱，麵都食唔到。
去CP4狗嶺涌(45KM)， 不斷CROSSOVER JANET/STEVE， 有點追星的感覺。 亦見STEVE 落山有點困難。 到達CP4， 仍然撞到SAM/IVY/IZ鐘仔等人到左。 我一貫慣例， 唔多係CP休得太耐， 越耐對腳越硬。 亦好無人性同隊友講 “食快D 呀！！”. 阿SAM: “以後邊個敢找你做隊友!”。
我地好快又起步， 落到大澳， 見到好友EMIL 等， 正呀！ 又有相影， 到CP5大澳(57KM)， 剛見JANET/STEVE 剛嘟完出嚟， 我地橫掃一輪又走了， 離遠望到那兩粒星， 也越來越近， 由東澳古道中段右轉入上山脊， 山脊路又長又斜， 不經意PASS 左佢地， 到360的停機坪， 原來要行彌勒山的金腰帶， 又回到昂坪的CP6(69KM)， 今次的水夠熱了， 食了碗麵， 又同鳯凰山併過， 知道自己腳力開始衰退， 慢慢一步步上天國的階梯。
到CP 7伯公坳(74KM) ，又要一輪補充， 個肚都食到亂晒， 因大會有供應POWER GEL， 都唔記得食左幾多包， 見到牛牛/KK 做十仆， 事前無叫預留食物， 所以都唔好意思過去痴， 而且大會提供的食物都唔錯。
之後的26KM 真係幾難涯， 同半程50K的朋友一齊起步， 一段漫長的南大嶼郊遊徑到南山， 又要去ＷＣ拉肚子， 上個山仔涯到CP8(84KM)， 個人呆呆地。 但仲有16KM ， 意志有點動搖， 老人山!! 慘呀!
芝麻灣又係一個深淵， 轉來轉去也轉不到盡頭， 到了懲教處， 以為直剷去十塱， 點知又要左轉上山路已入黑， 最後CP9(95KM)， 都無胃口食， 但要兜上去WC再拉。 行行跑跑終於到石屎路梅窩， 意外地見SAM/EMIL係到等候， 考感動， 仲扯爆我咁滯衝番終點， 終於20:31完成， MIXED 季軍。
