平時3月潮濕， 但今年變左5月潮濕， 成個星期日日落雨。 天氣時晴時陰又濕又笠，都預左今日行山好難頂。
9:30 由粉嶺起步，一起步曬左陣雨，　一陣又出太陽。上大刀一滴風都無。汗水係咁流。
到嘉道理差唔多12。去萬德苑打水。又要由sea level 上到四方山。不過好過上大刀的感覺，無咁熱。
四方亭好大風，又大霧，等左大文十分鐘，見到佢，　叫我地行先，　佢要抖抖。
接麥徑後，　相對好容易的路，　上草一陣就到。上針又出太陽，　好熱。
到城門都3:40左右. 無時間再去。
不過條路幾好操。　上落幾多。　下次去埋畢獅。
２８。４Ｋ　７粒鐘

上次行呢條線唔使6個鐘，今次用成7粒鐘。不過上次天陰涼快，今次濕、熱、焗、陰、雨、晴、風都經歷晒，都快唔到。

少行了. 今日對腳酸酸痛痛...

睇相就知真相，三個人同時同地段出來行，出來三個樣
一個悠閒慢步（林生），一個戰鬥格（林太），一個每處到要抖抖（大文）
四方山涼亭，就落後十分鐘。落到針底就遲廿分鐘

咁講呀我見你背囊入面有件啞鈴，仲要著對甩底鞋增加難度，直頭係明讓暗操。

後生仔，唔好灰心，操多幾課就跟到㗎啦

口講就輕鬆搵日你試吓呀那

好！下次你出來，無理由次次都話有事的。