眨下眼, UTMB 迫近, 操練已經如火如荼, SAM神突然找我陪佢終極一操, 練涯眼睏. 途中還相約好多朋友仔出出入入.
落足了一星期雨, 相信路況惡劣, 星期六預測都係一般, 相約了7時太和起步, 4点幾起床.
人未醒, 整個人呆呆滯滯起步, 膝都係麻麻.
沙螺洞開始有好大潭水氹, 唔想咁早濕腳, 但水氹冇處不在, 終於轄開左, 對脚踩晒入氹. 從此一直UP 左20幾小時.
八仙嶺天氣, 像霧又像花. 到烏胶騰, AMEI 佢地來JOIN, 開始肚餓, ORDER 了碗麵再上路, 砌了碼頭峰, 再回烏胶騰補給, 叧一班朋友仔BILLY, ISAAC 佢地JOIN, 但開始下雨.
出鎖羅盤, 最迷糊一段, 有時地方好熱焗, 總之不好受, 近鹿頸, 聽到前邊朋友仔叫聲, 行近才知, 有個蜜蜂兜. SAM神已中峰. 之後我地逐個逐個步步為營行過, BILLY 最終中峰.
好在我有風褸逃過一劫. 到鹿頸, 砌左碟雞飯, 好滿足. 狀況回復, 有力上龜頭嶺, 中途好正浸左澗, 落山, 朋友仔個個都不願上個小山丘, 繞路去鶴藪(即TNF CP4), SAM神下了命令, EMIL, RAMOS, 我上了去影相.. 到鶴藪JOIN 回大隊.
天已黑, 再不跟TNF 路線,SKIP 了上流水響郊遊徑, 平路去桔仔山, 唔去龍山, 直落粉嶺晚飯.
上大刀, 感覺脚總是有沙粒, 多次除鞋拍走, 還是有這種感覺. 原來我已起了水泡, 落到林錦, 跑馬路去補給, 後上甲龍古道去荃錦坳, 原來甲龍古道係一直咁上.
到荃錦坳, RAYMOND 請食糖水, 蓮姐開通霄. 上大帽時, 開始又落雨, 又大風又跣. 花了好多時間去铅礦坳. 身體磨損又敏感, 苦不堪言, 頂硬上, SAM 話涯埋草針到安蔭食愛心粥.
涯到針山落89.X K, 沖有成11K, 唔理咁多, 去安蔭食粥先.
天開始亮, 又下雷雨, 抖左一陣, 其他人就走人沖涼, 我同SAM神又上番城門亂跑, 出番城門小巴站衝去和宜合道運動場跑夠100km為止, 在運動場那一刻, 又落雷雨, 跑得好爽. TIME 夠100K 就衝去排毒了.
最後結果
索k:100.94km
爬升:5368米
時間:23:56:47
第一次操咁長課, 仲係咁GE天氣, 生了三個水泡, 週身刮損了. 不過..好玩!!!
